搵工Guide

好多Final Year嘅bb都會對於第一份Grad job有好多幻想，希望可以學到好多嘢得到人賞識，或者入咗間大公司平步青雲。為咗可以achieve到以上目標，好多同學仔都會struggle究竟入Start-Up定大公司好。小編就兩個類型嘅公司都做過，所以就整合咗三個值得比較嘅地方比大家參考下！

1) 輕鬆 VS 嚴肅

Um…無可否認，Start-Up嘅工作環境可以講喺冇框架，相對上Free好多，返工唔洗打咭之餘，又冇乜階級觀念，可以一班人有講有笑，有咩Idea都可以講出黎。不過做Start up好講求有自律能力架！就算冇人管你，都要每一日做好自己嘅本份！
而一間所謂嘅Big Company，氣氛就比較嚴肅，你嘅Supervisor就會不斷睇住你進度如何，員工之間職位嘅高低同輩份之分比較明顯。另外，因為公司policy比較多，HR有機會每日好似風紀隊隊長咁mon住你準唔準時返工，著衫會唔會唔appropriate。如果唔鍾意比人管住嘅話，係大公司返工就會有啲辛苦。

2) All-round VS 分工合作

大部分嘅StartUp因為資金比較少，所以請唔到好多人，一請就要請做得野嘅！好多時一個人要做N咁多樣嘢，由planning到execution可能都要落手落腳自己做（小編之前嘅腦細都喺自己搬嘢做勞動～），往往因為咁你會學多咗嘢儲到好多經驗。不過針無兩頭利，Startup公司如果人手少，相對上有工作經驗嘅人都唔多，Freshgrad bb如果想有人傍住你教你做嘢可能就有啲難度啦。

而大公司相對上公司架構比較完善，人手充裕嘅情況下，每個人嘅工作可能拆到好細。雖然會有supervisor教下你，但可能你做嘅嘢會好focus係幾個task，如果你想短時間學好多嘢嘅話，就未必滿足到你啦！

3) 增值技能 VS CV靚仔

睇下你點衡量，如果你想CV靚仔啲嘅話，就一定要揀大公司，起碼講出嚟都大把人識。不過其實做StartUp唔代表對刷CV無幫助，雖然公司少人識啲，但你係startup工作會做好多唔同task，係CV state出嚟都可以突出到自己。

 

考慮緊grad咗之後搵咩工嘅迷途羔羊睇完以上分析之後，不妨諗下自己真正想要啲咩先apply啦！