旅行需唔需要旅遊保險呢?

genius | 01/10/2018
旅行需唔需要旅遊保險呢? cover-pics
近年廉航當道、石油價格下跌,去外地旅遊變得不再昂貴。後生仔有氣有力,一年總有幾個機會出走離開香港呢個塵囂都市,去見識下都唔係壞事。但係,近呢幾年好多人都好興「窮遊」,住Hostel、食杯麵,將不必要嘅開支減省,務求用最少嘅錢可以去到最多嘅地方,達到最高成本效益。

咁究竟同學仔去旅行時需唔需要購買旅遊保險呢?
市面上嘅旅遊保險其實由幾十蚊起跳,即係只需要兩位數字就可以得到保障。

以下提供幾個旅遊保險普遍覆蓋範圍:

1. 旅行期間大病一場
同學仔去到外國有可能因為唔適應氣候、水土不服、發生意外或者各樣原因,係旅途中患病。如果有買旅遊保險,就唔需要擔心高昂醫療費用。

2. 航班取消或延誤
有時成日聽到身邊同學仔呻話廉航(LCC)取消航班唔會事先通知,亦唔會退款。買左廉價機票嘅同學仔有可能得不償失。有買保險嘅同學仔就可以拎返相應嘅損失。不過要注意,有關旅程延誤嘅定義,每間保險公司都有唔同詮釋,同學仔需要留意返延誤幾耐先至可以獲得賠償。

3. 取消旅程或提早結束旅程

如因某啲情況下需要取消或提早結束旅程,同學仔可以索償已經繳付但拎唔返嘅旅遊開支。

4. 個人責任

同學仔可能會對呢個Term陌生,個人責任係指法律上假設個人應有嘅責任,但係因為疏忽而導致第三者傷亡或財物受損所需負上之法律責任。簡單啲講,即係意外,整親人地或人地嘅私人物件啦。如果真係唔小心遇到呢啲意外,而對方亦要求你作出賠償,同學仔記著唔好私底下俾呀!因為係索償時保險公司會要求正式單據,所以最好向當地司法機構及本國大使館求助。

5. 行李及個人物品遺失及損毀

筆者以前往法國讀書時有一個好慘痛嘅經歷:香港飛往巴黎搭左13個鐘長途機,落機時已經係凌晨。當時已經好眼訓又天寒地凍好想可以早啲返酒店休息。點知拎行李時發現行李箱得返三隻轆(呢啲就係傳說中嘅甩轆?)。結果好狼狽咁抽著27公斤行李排除萬難先去到酒店。當時筆者直接向航空公司索償。有部份保險公司條款寫明投保人需要先向航空公司索償,之後再向保險公司索償。如果真係係外地唔見個人物品,記得要係當地警署報失!因為保險公司係處理索償時係需要有法律效力嘅證明文件。

購買旅遊保險前亦需留意以下事項:

自負額(Deductible)

自負額較少係旅遊保險出現。意思即係需要投保人自己承擔嘅損失,而超過左呢部份嘅損失會由保險公司承擔。

最高賠償額(Maximum)

保險公司只會承擔某個數額之責任,如果損失扣除自負額已經超過最高賠償額,則需由投保人自行承擔。

不保事項(Exclusions)

投保前要先睇清楚保險條款,究竟咩項目係呢份保險唔包呢?

經Agent購買

因為保險條款屬於法律文件,裡面有好多艱深嘅法律字眼常人未必明白。如果你有相熟經紀,由佢解釋入面嘅內容,到真係需要索償時又可以即刻問佢,咁就可以節省大部份嘅工作。
筆者一直認為,保險係一件比較特別嘅產品,佢並唔係「買入一啲令你滿足嘅物品」,而係「買走一啲你不確定嘅因素」。如果幾十蚊可以買個安心,令你旅遊更無後顧之憂,點解唔試下呢?
披露聲明:筆者為金管局註冊之人士,可從事下列受規管活動:證券交易、就證券交易提供意見。
uFinance 致力協助大學生享有一個精彩的大學生活!
同樣身為大學生,我們理解那種有許多難得的機會,卻經濟上不允許的掙扎。好多學生因為手頭緊,而錯失了學術會議、出國交換、抑或是畢業旅行,這樣錯過便不再有的人生經驗。我們是大學生的財務支援平台,在大學生在最需要的時候,助你一臂之力!
 

延伸閱讀:

Exchange慳錢必備之國際學生證

【窮遊系列】Hostel點揀先唔中伏?!

【理財知識】學生貸款利息點樣計?息隨本減

第一份保險應該如何入手?

    大專生很多時候急需資金周轉交學費,但政府學資處的貸款計劃又未能及時批核。因此,uFinance 根據過往同學們的良好還款紀錄,不斷簡化申請程序,申請只需「學生證+身份證」,申請成功率高達95%,全程網上快捷辦妥,貼合同學需要。

  • 滿足不同經濟需要:交學費、交Hall Fee、還卡數、買電腦、學車、創業
  • 任何本地大專院校學生均可申請
  • 申請只需2份文件(學生證+身份證),毋需收入證明
  • 月平息一律低至 0.84%*
  • 最快即日批核
  • 全程網上申請貸款及確認過數
  • 隨時提早還款,0手續費0罰息

Load more