校園Guide

考埋Final終於可以迎接3個月嘅Sem Break啦！不過唔少大專生都會係暑假做Intern，所以真正放假可以hea嘅時間唔多。唔想下下都去旅行，想留係香港或者做啲有儀式感嘅嘢？等小編介紹你5 個「報復式」Hea爆方案，等你返Intern前可以差足電啦！

–

1. 澳門「報復性食住」：豪住一晚嘆 Buffet

既然慳返唔少溫書時間，不如豪一次！5 月初澳門未到暑假高峰，好多酒店（例如：上葡京、倫敦人）嘅 Buffet 或者 Staycation 價錢仲係好 Catchy。同 Buddy 去影勻哈利波特展覽、官也街食葡撻，夜晚再去嘆個高級海鮮 Buffet。

• uFinance貼士： 記得用 Student ID 買金光飛航飛，或者搭「金巴」經大橋去，平好多！

–

2. 西貢「隱世海灘」：去海下灣、浪茄放空

如果你覺得尖沙咀、旺角太迫，去西貢啦。浪茄或者海下灣呢啲地方，水清沙幼，真係有種「身處外國」嘅感覺。 想更加充實的話可以join下獨木舟／直立板1 Day tour 划出海、或者簡簡單單同朋友求其搵個外島，係沙灘睇住日落飲支啤酒。

• uFinance貼士： 記得帶防水袋同埋做好防曬，考完試塊面已經夠殘，唔好再曬傷呀！

–

3. 深水埗/大南街：文青式「報復性消費」

如果想留喺市區，大南街一帶嘅 Cafe 同埋選物店係最好嘅去處。去啲 Record Store 聽下黑膠，或者去陶瓷 Workhop 整返隻「GPA 4.0 紀念杯」。喺度可以慢慢行，洗走嗰種趕 Deadline 嘅急促感。

–

4. 凌晨「報復性唱 K」：唱到天亮

有一種狂歡叫「中學回憶」。約埋一班莊員或者Groupmate，去 Red MR 或者 Neway 訂間 K 房，由陳奕迅唱到林嘉謙，再由BTS 跳到 Mirror。凌晨時段通常有「貓頭鷹優惠」，最啱考完試精力過剩嘅大專生。

–

5. 嘉頓山/西九文化區：簡單而隆重嘅「頹廢日」

如果你連行程都廢事諗，直接帶塊野餐墊去西九草地。買啲嘢食，對住維港海景，純粹同朋友傾吓偈、講吓未來、呻吓個 Professor。呢種「乜都唔使做」嘅自由，先係 Sem Break 嘅最高境界。