校園Guide

相信無論你係今年大學畢業定考完DSE，都會做一件事 – 返 Full/Part-Time。作為職場新人，相信大家都會有唔少擔心，最怕就一定係得罪上司同啲前輩。今次小編同大家分享5個職場地雷，記得Save低佢提自己，唔好一秒激嬲Old seafood。

 

地雷一 ： 唔識扮識

好多時候會怕樣衰，又唔好意思問人點做，就唔識做又扮識做。好彩就無事，出事嘅事除左影響同事同上司之外，仲會俾人覺得你衰過唔識做，結果黑人憎。所以唔識做就記得問人啦！

 

地雷二： 唔Mark低重點

雖然後生記性好，但記性好唔代表你唔會miss左啲重要嘢㗎！以防自己有甩漏或者突然忘記重點，上司/前輩同你講完就好Mark低啦！唔用紙筆都揾手機Mark啦。

地雷三 ： 問完又問

上面講過唔識就問人同前輩請教，不過「事不過三」同一件事問多過三次，對方就開唔耐煩㗎啦！始終對方無義務要教你咁多次，教咗你一次只要肯學肯記就得，做上手再問多次對方仲可以同你講。但係重複問完又問，真係會令人唔耐煩同討厭。

地雷四 ： 唔識睇臉色

明白大家初次接觸職場，唔係好清楚辦公室政治同人際關係。不過你唔識睇對方臉色，隨時得罪對方你都唔知。有時候見到對方將情緒寫係臉上，就好及時改變自己行為。識睇臉色除左避免上司責罵外，同同事之間的關係都會好啲。

 

地雷五 ： 講是非/八卦

相信唔少人都中意聽是非八卦，不過作為職場新人，你可以聽其他同事/上司講是非/八卦，但千奇！千奇！千奇！同其他同事討論或講上司同同事是非/八卦。除左會影響人地對你嘅印象之外，隨時你討論嘅對象就係你附近聽到。