校園Guide

有無同學Sem Break因為要返Intern 未必有時間出去旅行呢？留係香港好悶唔想枉過個暑假嘅話，不如試下抽個weekend做以下3樣嘢啦！等你可以返Intern前差足電，迎接之後2個月嘅挑戰！

1.室內滑雪 vs 室內暖水衝浪

位於葵涌的「Snow & Surf」場地面積超過一萬呎，亦係全球第一所融合滑雪、滑水的室內運動場所。

Snow & Surf擁有全港唯一嘅滑雪賽道，而且賽道斜度設計適合初學者學習。另外如果你係高手，仲可以用佢哋最先進嘅旱雪金針菇電動滑雪練習機練習。係室內滑雪最正嘅地方就係唔洗換衫咁麻煩，一去到就可以即玩！

至於滑水嘅部份，佢哋擁有同海洋公園水上樂園相同嘅衝浪先鋒，重要有恆溫設備，加上限制人數，就唔使驚要排隊玩咁唔夠喉啦！

有選擇困難嘅你，仲唔Why not both？

 

「Snow & Surf」

地址：葵涌葵​​秀路 8-10 號瑞森工業大廈2樓⁠

 

想知道更多體驗詳情可以去 Snow & Surf 網站查看！

 

2.室內高卡賽車

位於何文田的「愛民18彎」是全港唯一的室內電動高卡車場，佔地近5萬呎。場地設有兩種車款，分別是「小型賽車」同「飄移車」。「小型賽車」車手要求身高150cm以上，適合大人去玩。另外，「飄移車」就設有小童車型及成人車型，適合小朋友或者全家一齊玩，身高需要115cm以上，而體重要65kg或以下。而且擁有專業賽車計時系統！如果第一次玩唔識都唔緊要，玩之前會有專人講解點樣玩！

同時場地亦有提供其他遊玩設施，例如賽車遊戲機、籃球機、飛鏢機等遊戲。如果玩到餓，仲有供應小食，成日就係室內都唔係問題！想同啲friend搵個地方hea一日都係一個唔錯嘅選擇嚟架！

 

「愛民18彎」

地址：何文田愛民廣場2樓S1號

電話: 6467 9369

 

3. 室內攀石

近年越嚟越多人玩攀石／抱石，所以市區都開咗好多室內攀石場。如果想試下玩，但又驚危險，不如試下去位於沙田嘅 Hong Kong Climbing Park 啦！

Hong Kong Climbing Park設有三個區域，分別係高牆區，抱石園區，同埋極限忍者園區，而且仲喺全港唯一一間獨有頂繩攀爬（Top Rope）及領攀（Lead Climbing）嘅室內場。未玩過嘅朋友仔仲可以報名佢哋嘅體驗班，先上1個鐘教練堂，然後自己再試玩！無論你係新手定老手，都可以喺到搵到你想玩嘅嘢，最啱約埋一班同學仔去Gathering，中大嘅同學準備好booking未！？

 

「Hong Kong Climbing Park」

地址：香港新界沙田大涌橋路52號富豪花園二期商場2樓

電話: 3708 9075