校園Guide

一年一度嘅畢業季又到，話咁快就要同自己人生最後的學生時光講byebye。人哋話踏入社會之後要負嘅責任大咗，無憂無慮嘅日子將不復存在。不過小編推介大家可以喺學生證仍然有效嘅呢段時間，快啲做埋呢4件事，希望大家都可以不留遺憾哋畢業～

 

1.畢業旅行

雖然撞正疫情暫時無得出去旅行，但其實香港都有好多景點可以比大家放一個小假期嘅。約埋一齊奮鬥咗4年嘅同學／grpmate，搵個山清水秀嘅地方一齊癲翻幾日幾夜又得，享受姐妹之間嘅打卡之旅亦得，好好慰勞自己呢4年嚟嘅努力讀書，亦可以為自己同朋友之間留低美好嘅回憶。（有啲咩功課上／grp project上嘅爭執都一筆勾銷xd）

 

2.同好朋友／屋企人影返輯畢業相

影一輯靚嘅畢業相小編認為係畢業前必做嘅事喔，為青春留低最美好嘅倩影。亦都可以作為大學階段嘅一個終結，而家唔單止可以喺studio入面影，租咗／買咗畢業袍嘅朋友仔更加可以拎去唔同嘅地方影靚靚ig打卡相喔～可能10年後拎翻出嚟睇，會感嘆自己嘅青春同埋自己最美好嘅大學生涯喔～

 

 

3.學識真正嘅獨立

脫下學生身分，就好似象徵著我哋真係要長大了。父母對我哋供書教學，含辛茹苦嘅養育之恩。都係我哋需要銘記於心嘅嘢，當然唔係話大學畢業就要將所有嘢攬曬上身，但係我哋都慢慢哋習慣接過屋企嘅擔子落自己身上，令父母可以享受屬於佢哋嘅自由時光，大家都會慢慢成長至父母嘅支柱。

 

4.用盡自己張學生證

無論係apple學生優惠定係半價睇戲／學生機票等等，都係專屬於學生們的福利。仲有最緊要嘅係我哋張學生八達通啊，各位即將要踏入社會嘅畢業生們。記得睇定有咩超筍嘅學生優惠，趁最後呢段時間用埋佢，出到社會樣樣都要正價都真係幾唔習慣嗚嗚。