搵工Guide

捱多個幾月就到summer break，除咗打工去旅行，其實都可以試吓考個牌多樣技能，依家持續進修基金課程涵蓋咗多個行業，可以拎到2萬幾蚊俾你讀書，有啲牌照仲考完出嚟仲有機會投身高薪行列，我哋一齊睇吓有邊五個熱門高薪証書值得去考啦！

 

1.車牌

有啲人一到18歲就去考車牌，如果仲未考嘅你，可以試吓喺呢個summer break嘅時間考一考喎！考咗車牌無論之後想揸車代步定自駕遊都方便好多，仲可以兼職Uber司機賺吓外快㖭！市民必須先申請投考駕駛執照，至可接受各類型車輛嘅駕駛訓練（的士及特別用途車輛除外）去獲取駕駛執照。投考私家車及輕型貨車嘅考生必須年滿18歲或以上；投考電單車必須年滿18歲或以上；技考商用車輛必須年滿21歲或以上，並喺申請當日持有最少3年或以上有效私家車或輕型貨車嘅正式駕駛執照， 或持有最少2年或以上嘅有效私家車或輕型貨車正式駕駛執照。

香港駕駛學院（私家車駕駛證書課程）

課程費用：19,056元

申請持續進修基金的最高資助金額及發還部份學費後，最終繳付7,322元。
(扣除持續進修基金資助後，需支付租車費$2,200及運輸署學習駕駛執照及考試表格費用$1,058)

 

貨櫃運輸業職工總會課程部（私家車駕駛證書課程）

課程費用：20,160元

申請持續進修基金的最高資助金額及發還部份學費後，最終繳付7,364元。
(扣除持續進修基金資助後，需支付租車費$2,200及運輸署學習駕駛執照及考試表格費用$1,058)

 

2.幼兒PLAYGROUP導師

想閒時可以教吓班做一個額外收入，有愛心又鐘意小朋友嘅你，可以試吓報幼兒playgroup導師課程，香港青年協會持續進修中心推出「幼兒Playgroup導師培訓證書」課程，旨在讓學員認識0至6歲幼兒成長及發展及Playgroup的運作，掌握設計及帶領幼兒遊戲策略，畢業後具備足夠知識可成為幼兒Playgroup導師。

幼兒Playgroup導師培訓證書（香港青年協會持續進修中心）

學制：兼讀制

課程費用：$7,800(分兩期繳付，每期$3,900)

修讀期：2個月（37小時）

資歷架構：3級

3.樓宇檢驗助理

香港青年協會持續進修中心開辦嘅「樓宇檢驗助理培訓證書」課程為有意成為樓宇檢驗助理或投身樓宇相關行業人士而設，內容涵蓋私人住宅及非住宅項目(非公用部分)相關嘅樓宇檢驗指引及注意事項、基礎樓宇結構、室內裝修工程、驗樓相關法律知識及樓宇檢驗參考報告撰寫技巧。學員修畢課程後將能具備樓宇檢驗行業知識及實務技巧，以便投身為樓宇檢驗助理或應用在相關工作上。

樓宇檢驗助理培訓證書（香港青年協會持續進修中心）

學制：兼讀制

課程費用：$13,000(分兩期繳付，每期$6,500)

修讀期：3個月（55小時）

資歷架構：3級

 

4.牙科手術助理員證書

一向做醫療嘅相關工作都比較多人工，如果已經不不及去成為一個醫生。咁仲手術助理人工都好可觀㗎！衛生署偶爾會招聘牙科手術助理員，獲取錄的申請人通常會按公務員試用條款受聘三年。薪酬可由18,120元（總薪級表第5點）至35,915元（總薪級表第17點）。

嶺南大學持續進修學院與香港醫藥援助會 (Project Concern Hong Kong) 合辦「牙科手術助理員」證書課程，（課程編號：CT001），課程由專業牙醫，資深牙科手術助理員，或香港醫藥援助會之醫療／牙科專業從業員任教，歡迎對牙科手術助理員及期望投身牙科手術助理員行業嘅同學仔報讀。

課程制式：兼讀制

修讀期：合共90小時（除課堂講授，包括29小時臨床訓練，及10小時臨床實習）

課程費用：HK$14,600（另外收取實習課材料費500元、報名費200元）

資歷架構級別：3級

 

5.物理治療

根據招聘平台Indeed調查， 職業治療助理人工都唔差㗎，職業治療助理 (或復康助理) 平均月薪有 HK $1.3 萬。如果是公立醫院的職業治療助理，其職級等同「二級病人服務助理」，薪酬範圍係 HK $17,888 – HK $22,357，所以都推介大家可以考吓呢個牌。

物理治療助理證書（香港青年協會持續進修基金）

課程費用：$6,000(分兩期繳付，每期$3,000)

學制：兼讀制

修讀期：31小時

資歷架構級別：2