校園Guide

每年開學好多舖頭都會有學生優惠，但其實唔止九月，有啲商户仲會有全年優惠㗎！為咗等大家唔好錯過學生專屬嘅推廣優惠，等我哋總括一下有邊啲優惠可以留意一下。

電器優惠

唔止Apple嘅「Back to School」 ，其實唔少商戶都有推出學生優惠等大家可以喺新學年增添新器材。例如Samsung、Dyson。

Samsung唔只平板電腦有折，其實佢哋電話都會有Offer返學生優惠！只要上返佢哋官網用香港認可學校嘅有效電郵地址開戶，就可以享有高達七折嘅優惠。

至於Dyson一定係港女嘅恩物，想送個風筒俾女朋友，或者買個吸塵機孝敬阿媽，都可以上返佢哋網站用教育機構註冊電郵，之後就有機會獲得八五折優惠碼！

音樂串流平台推廣

其實音樂串流平台好多都提供學生plan嫁！比較常用嘅Spotify現時推出學生免費一個月試用推廣，之後每個月月費只係HK$38咋。至於聽廣東歌必備嘅KKBOX依家都有學生專屬半價優惠，每個月只需要港幣$29就可以subscribe啦！

學生機票優惠

平時成日見到人哋搶平機票自己搶唔到好葡萄。其實唔使羨慕，因為學生自己都會有全年優惠。國泰一向都有專屬機票優惠不過學生需要申請返國際學生證先可以享用該優惠。而如果想去歐美旅行，亦都可以睇返漢莎航空佢哋嘅專屬學生票價優惠㗎！

其實只要有張學生證，好多時周圍都會有唔同嘅優惠！如果你哋搵到有咩特別着數，不坊同我哋分享吓開心share啦。