（1）報Day Tour

如果想喺短時間内去多幾個地方，或者想去嘅景點路途遙遠、交通又唔方便，參加Day Tour係不錯嘅選擇。例如去冬天韓國體驗滑雪，由於韓國滑雪場多數喺近郊嘅地方，如果要由市區搭車去，應該都會好幾個鐘時間，但係如果Join Day Tour就唔同啦！佢地會有專車喺韓國市區接送，路程相對就縮短好多又方便。另外，撇除交通費，通常買團體票會比單人票抵啲，所以除翻開報團其實會比較抵玩。大家不妨去網上平台Klook或KKday搵搵，入面有好多個熱門旅遊地點嘅Tour，佢地透明度高、明碼實價，而且定價超抵啊！

（2）善用網上購票平台

岩岩同大家提及過Klook同KKday兩個網上平台，其實佢地除左有Day Tour外，用佢地嘅平台買飛都會比現場買平好多，例如主題樂園等。另外，大家都可以喺平台入面發掘下一啲特別嘅show，例如新加玻燈光水舞show、首爾NANTA亂打show、泰國人妖show等等。

（3）趁平匯率唱定錢

當各位同學仔定好目的地後，就可以開始預備兌換多少當地貨幣。一般黎講，喺當地機場、酒店兌錢係最唔抵嘅！千祈唔好睇小匯率嘅差別，加加埋埋其實都會差好遠架！就算你未決定好幾時出發，你都可以喺日常生活中多啲留意貨幣匯率，趁匯率跌嘅時候入手就賺得更多啦！以日本yen為例，日圓匯率依家創20年新低，每百日圓兌5.48港元（根據14/9消息）！意思係，依家去日本Shopping大出血會抵好多，可以用更低嘅價格帶曬心頭好翻屋企！

（4）帶定學生證

通常好多展館、藝術館都會有學生購票優惠，帶定學生證實無死！