住hall幸福感up! 生活小物推薦
各位hall友執好房未呢？如果你係住足咁多年hall嘅老鬼，有可能已經放飛咗自我，覺得間房執唔執，其實都一樣。如果你係對hall life充滿期待嘅fm bb，執好房之後點樣令佢唔好變亂變污糟，都係一種學問。
點樣都好，以下小編推薦嘅生活小物或者可以幫你重拾對住hall嘅熱誠，同埋幫你打造一個又有舒服又正嘅freshman year呢！
- 1.小夜燈
住得hall嘅，都想夜晚可以一大班hall友聚埋喺間房食宵兼夜話，或者係臨瞓前同roommate傾吓計。想營造氣氛嘅話，不妨同roommate夾份買一盞小夜燈，仲可以免卻夜晚要起身又驚整醒roommate嘅煩惱。
IKEA TOKABO 座檯燈, 玻璃 奶白色 ($99.9)
- 2. 香氛蠟燭
唔好以為香氛蠟燭呢啲嘢係女仔專利，而家都有唔少草本同木質味道，偏向中性嘅蠟燭，放一個喺房裝飾之餘，可以令間房聞落清新啲，唔會淨係得汗味同嘢食味。
草本木質調性 香氛乳液蠟燭 （$72.9， Pinkoi有售）
- 2. 膝上電腦枱
知你哋班懶鬼一走堂一day off就連張床都唔想落，所以推薦你哋買翻張膝上電腦枱，咁就可以坐喺張床上面玩電腦玩幾耐都得，仲唔會頸痛添。
懶人粒子抱枕膝上桌筆記本 ¥158-195
- 3. 液體滅蚊器
住近草叢地帶嘅同學仔就會知，啲蟲同埋蚊係會不停出現，夜晚仲會喺你耳邊嗡嗡叫……諗起都打冷震。添置一個液體滅蚊器，唔單只可以滅蚊，滅蚊液仲有唔同香味，例如薰衣草味、茉莉花味等等，順便幫間房整翻香啲。驚聞住滅蚊液對身體唔好嘅同學仔，可以選擇買個微型蚊拍擺喺房。
殺牠死滅蚊器 （$40，實惠有售）
- 4. 頭髮濾網
房入面有自己廁所嘅女生宿舍必備！成日甩頭髮塞住個坑渠，去水去得慢之餘，要清理翻啲頭髮又麻煩。方便清潔姨姨方便自己，買翻個濾網或者濾紙，清潔嘅時候就可以將啲頭髮一次過清走曬。
頭髮濾紙（12片孖裝 $23，HK TV Mall有售）
頭髮膠隔 （$12，HK TV Mall有售）
- 5. 桌面吸塵器
住hall唔知點解成日都好大塵，可能係因為棟hall近馬路好多車，亦都有可能因為roommate上咗莊將啲soc物堆曬喺間房……平日要上堂打工，冇咩時間做大清潔，但係又唔想沙塵滾滾的話，可以買翻個桌面吸塵器，可以吸走薯片碎同埋枱面嘅塵。至於其他地方，留翻放假先清潔啦。
得力桌面吸塵器 ¥59.60
希望小編推薦嘅家居用品可以令你哋過一個更舒服嘅hall life啦！
延伸閱讀:
- 滿足不同經濟需要：交學費、交Hall Fee、還卡數、買電腦、學車、創業
- 任何本地大專院校學生均可申請
- 申請只需2份文件（學生證+身份證），毋需收入證明
- 月平息一律低至 0.84%*
- 最快即日批核
- 全程網上申請貸款及確認過數
- 隨時提早還款，0手續費0罰息
大專生很多時候急需資金周轉交學費，但政府學資處的貸款計劃又未能及時批核。因此，uFinance 根據過往同學們的良好還款紀錄，不斷簡化申請程序，申請只需「學生證+身份證」，申請成功率高達95%，全程網上快捷辦妥，貼合同學需要。
