校園Guide

住hall一定會又roommate，遇啱好同夾嘅roommate，隨時變成你係大學嘅best friend；如果唔好彩遇到唔夾又冇責任感嘅，隨時變成你仇人，住hall都住得唔開心☹️今日就為大家介紹唔同類型嘅roommate！

 

1.勁污糟

如果你係一個愛乾淨嘅人，遇到一個不修邊幅，咩都亂咁掉，污糟衫堆咗成個禮拜都唔洗嘅roommate，我只可以講你係完全enjoy唔到hall life！因為你總有一日係都會睇唔過眼，你又唔想間房成陣霉味，然後你就會清潔埋佢嘅份！小編有個朋友就係曾經遇到一個勁污糟嘅roommate，最後真係頂唔順，寧願遠啲返屋企訓得舒服啲！

 

2.夜訓又嘈

hall有時會有好多活動，通常都玩到好夜，如果你roommate咁啱係好鍾意join hall活動或者鍾意打機嘅話，而你又係早睡型，咁就要好好同你roommate溝通溝通。如果你訓左嘅時候佢可以細細聲入房，正正常常唔好咁大動作，或者打機戴返earphone，咁大家都好過啲！

 

3.咩都問你借

有時roommate用啲日用品，問你借一兩次其實都冇咩所謂，但當佢經常性咁問「喂，我啲乜乜乜用曬啦，借住嚟用先！」你會心諗：你借完有還過咩🙄依類Roommate真係唔可以縱容！

 

4.永遠聽唔到鬧鐘

小編好明白上堂起身一定要較鬧鐘，響嗰一兩下我冇咩所謂，但係響咗10分鐘你都唔熄就係問題！明明我嗰日day-off可以訓晏啲都比你遭醒，我就唔OK囉！都唔知嗰鬧鐘係比佢聽定我聽🧐

 

5.隨便帶人返房

如果你嗰roommate係有男女朋友而另一半又好鍾意stay係間房，恭喜你多左一個roommate😊佢哋唔痴纏都還好，最弊係如果佢哋成日痴埋一齊，又係到bb前bb後，真係想嘔！而且多咗個異性係同一間房都麻煩啲。

 

希望各位嘅roommate都唔係以上呢五種🤣只要大家有商有量，一人讓一步，好多問題都可以解決嘅！😉