校園Guide

入大學一定唔可以錯過迎新營（OCamp)，除咗可以快啲了解到學校文化，仲可以係短短幾日就識到唔同嘅同學，甚至係未來4年嘅「戰友」。作為Freshman相信大家對OCamp有好多好奇同問題，小編就同大家介紹4個OCamp必做嘅事！

 

Dem Beat

相信大家都一定有睇過港大何東嘅Dem Beat，Dem Beat係大學嘅活動係一件好常見嘅事，穿着代表學會或學院T-shirt，然後一字排開，一邊用腳大力踩地，用手配合打拍子，另一邊大聲叫口號，目的係希望建立隊員認同感和團結精神。係O Camp入面除左莊會 Dem Beat之外，組爸媽都會同組仔女一齊諗組嘅口號同動作。

 

City Hunt

大家有冇係街見過一大班大學生著住唔同顏色衫係街做啲奇奇怪怪嘅行為？其實佢哋就係做緊City Hunt嘅任務，雖然係路人眼中係好古怪唔知做緊乜，不過作為大學生難得有一班人一齊行動，咁青春同熱血，就唔好怕羞，Enjoy咁做任務啦！

營火晚會 (Camp Fire)

OCamp最火熱最熱血就一定係Camp Fire嘅環節，一班人圍住營火唱歌跳舞真係好青春，而且之後都好少有機會可以一大班人圍埋一齊。所以，唔少人期待 Camp Fire 嘅moment。

營花營草

選 營花營草 嘅環節係OCamp中不可缺少嘅環節，不過唔好以為營花係女仔，營草就男仔呀～OCamp入面嘅營花通常由男仔擔任，而營草則由女仔擔任。