搵工Guide

每個求職者一開始進入公司的時候，首當其衝會看到嘅人就係HR。經過面試，再通知你，或者安排你上班等等，都係HR嘅工作，所以想係公司有「好日子」過，一定要識得捉HR嘅心理。今次小編偷偷話你知幾個HR鮮為人知嘅「咪咪」，等你唔好一份工就得罪大佬啦！

 

咪咪一：轉工轉太密，印象大減分

不單只係HR，做老闆嘅，見到求職者成日轉工太頻密，印象分已經大打折扣，一方面質疑求職者係咪真係有心做，另一方面都會擔心他們又做唔長，浪費時間心力培訓。

 

咪咪二：個個都一樣，悶到唔想聽

HR哥哥姐姐都係人，每日都可能會見到好多嘅應徵者，加上應徵者程度如果相約嘅話，而且無咩應徵者突圍而出，更加會覺得更加無聊，從而令到HR覺得聽唔入耳。

 

咪咪三：第一印象好重要

做得耐嘅HR基本上透過頭幾句對答，已知道對方是不是要考慮的人。可想而知，第一印象係非常重要。

咪咪四：講野唔好轉彎抹角或者冗長，直接捉重點講

如果應徵者講野成日吞吞吐吐，轉彎抹角說唔到重點，更可能會一直質疑應徵者嘅答案。或者，應徵者不斷長篇大論，亦會造成反效果，畢竟面試時間有限，也會令HR不耐煩。

 

咪咪五：管理好你嘅Social Media戶口

唔講你都唔知，部分HR真係會透過facebook等social media去了解應徵者，如個性、生活習慣及工作態度等，如果有唔見得光嘅嘢，印象分絕對大減！

 

咪咪六：同你唔Friendly，考驗你EQ

要知道唔係每個HR都會好友善咁對你，部分工作可能要求應徵者EQ要高，面試時HR或會對應徵者態度極差，甚至不斷咄咄逼人！