大專生筍工推介

最後一日返工，一定會買散水餅比同事食，但係買嚟買去唔係「美X」就係「聖X娜」?NONO！曬錢買呢啲不如買差唔多價錢，但係好食又有創意嘅散水餅比啲同事食，留個好印象，日後好相見～今次小編就介紹3間人氣散水餅店，等大家有個參考last day買咩散水餅比同事食！

 

1.Crazy Pie

Crazy pie係一間非常出名嘅甜品網店，最出名就係佢哋嘅麻薯撻，唔好以為佢哋嘅撻淨係得個靚字啊，味道都非常好，餅底充滿牛油香而且，有麻薯嘅內餡非常有口感，整體做到甜而不漏。最正係佢哋除咗常駐款之外，每個月都會推出新口味，啱曬最鍾意試新野嘅朋友仔！每個撻平均$35一件，有時買多件數都會有唔同嘅優惠，所以有興趣嘅朋友仔可以留意以下佢哋IG同埋預定方法！小編就最鍾意常駐款入面嘅「阿華田吉士麻糬撻」，口感真係非常好，需然佢係阿華田吉士，但係唔會膩，甜度啱啱好！

 

地址：觀塘開源道60號駱駝漆大廈第三期8樓U室

 

2.華爾登餅店

華爾登餅店係西營盤一間老式餅店，最適合做散水餅就係佢哋嘅手工牛油曲奇餅。你可以請老闆娘係牛油曲奇餅上面寫你想寫嘅句子，甚至粗口都得?如果真係有興趣想訂華爾登餅店嘅曲奇就要早起碼3日訂，因為佢哋都有好多訂單要做㗎！

 

地址：西環西營盤第二街120-126號仁福大廈地舖

 

3. Beans

想送啲有特色嘅散水餅，但又懶得Tailor-made嘅話，可以考慮買咖啡店「BEANS」聯乘本地插畫家ANGRYANGRY一齊推出散水撻／散水泡芙 Set！每杯甜品均有不同款式的插牌 ，歎完「終極暗黑版」散水餅，記得拆開外盒，用破地獄良辰骰仔玩一場破地獄康樂棋大戰，重溫職場恩怨情仇！

*散水撻禮盒內含12個撻，四款口味：芒果啫喱抹茶慕絲撻、紫薯海鹽芝士忌廉撻、蘋果雲尼拿吉士撻、72%朱古力榛子忌廉撻

*散水泡芙禮盒內含12個泡芙，四款口味：覆盆子吉士泡芙 / 豆腐吉士泡芙 / 班蘭吉士泡芙 / 特濃朱古力吉士泡芙

 

訂購連結： https://shop.beansgroup.hk/2025%20AUG%20%E8%87%AA%E5%8F%96%20BEANS%20%E6%95%A3%E6%B0%B4%E7%A6%AE%E7%9B%92https://shop.beansgroup.hk/index.php?route=product/product&path=88&product_id=353