9成半按揭懶人包 – 按揭保險計劃

Kenzie Lee | 01/10/2018
9成半按揭懶人包 – 按揭保險計劃 cover-pics

上一篇同大家介紹完新一期居屋,今次同大家解釋下按揭嘅概念。好多人第一次買樓都好難可以一次過找數,而按揭就幫到手啦。大家向銀行申請按揭上限係6成,如果想要超過6成,就要買「按揭保險」,成數愈高保費就愈高,以30年按揭計,8成按揭嘅保費貸款額2.15%,9成按揭保費則4.35%。
根據金管局「按揭保險計劃」:有固定收入,入息供款比率為45%以下嘅首置人
(入息供款比率=每月供款,必需低於入息的45%。)
*買400 萬或以下物業時,最多可以按到9成;買400至450萬物業,按揭上限係8至9成;而450萬至600萬嘅物業,就只能借8成。

55萬「上車」做業主

→ 以400萬上車盤為例,假設你成功申請9成按揭,加上1成首期、印花稅、律師費、經紀佣金等雜費,55萬內便可「上車」做業主。貸款額360萬元,首期40萬元,分30年月供,每月供$13,578,入息最少都要$30,173。有伴侶嘅話,兩個人一齊供就輕鬆啲啦。

Advertisements

壓力測試要求:

係當前按揭利率下(~2.15厘),有關按揭申請嘅每月供款,不高於申請人家庭收入5成;而一旦按息上升3厘,按揭供款不高於申請人家庭收入6成,假設利率上升3厘,供款利率變為5.15厘,而供款要不高於申請人家庭收入6成。即係,你每月入息最少要有$35,740!
另外,申請按揭保險,一次過繳交保費可以申請保費折扣優惠,只要申請人入息穩定,過去冇遲還款紀錄(信用卡準時還min pay),一般都是直批5至8折,視乎你嘅信貸紀錄而定。以貸款額$400萬為例,8成按揭保險費為 $86,000,如有6折便減為$51,600,真係慳好多。大家可以向唔同銀行申請,比較一下!而一次過繳交保費,可以向銀行一齊貸款。

綠表人士5%首期

*公屋住戶買居屋仲有房委會做擔保,可以做95%按揭!換言之,如果要買一層500萬嘅居屋,綠表人士只要拎25萬做首期就可以上車!不過,如果購買房協單位,綠表人士就與白表一樣,只做到九成按揭。
 

延伸閱讀:

【學生貸款】信貸評級對你嘅人生有幾重要?

【學生貸款】如何選擇最適合自己的學生貸款計劃?

【理財知識】學生貸款利息點樣計?息隨本減

P按定H按?按揭計劃㨂邊種?

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more