【我要做精英】4招教你執靚LinkedIn Profile!

cherri | 10/10/2023

大家平時搵工嘅時候,除咗去jobsDB、CTgoodjobs同學校job board之外,會唔會上LinkedIn睇吓呢?其實LinkedIn唔聲唔聲收埋咗好多好工,其他搵工平台未必會搵到。想爭取多啲機會嘅話,不妨睇吓以下4個執靚LinkedIn profile嘅貼士,快快上岸翻荀工!

LinkedIn 同其他搵工平台有咩唔同?

LinkedIn本身係職業社交網站,用戶之間會分享營商資訊同職場心得,擴展人脈。呢個特性令到經LinkedIn申請嘅應徵者感覺更加專業可靠,僱主亦更願意喺LinkedIn招攬專才,搵到符合所有條件嘅員工。相反,普通搵工平台嘅運作模式就比較大海撈針,放曬所有工種嘅offer上去,任何人都可以應徵,冇回音嘅情況亦比較多。

點樣執靚LinkedIn profile?

  1. 1. 擺張好pro嘅相

人靠衣裝,佛靠金裝。一張專業嘅大頭相令你望落個人醒目啲,咁啱有僱主搵緊適合人選的話,click入你個profile嘅機會都大啲。有啲大專院校會安排學生影CV相,亦有人會選擇去外面啲studio影。點樣都好,少少錢唔好慳,記得唔好擺喺迪士尼影嘅網紅相上去!

  1. 2. 個人簡介要獨特吸睛

小編都明白要寫self-intro簡直就係世紀大難題。好多人會就咁寫自己讀緊咩科,或者翻緊咩intern,但係咁樣未免太過普通,好難突圍而出。你可以嘗試喺簡介加入呢啲元素:

  • Soft skills: 例如「能在高壓下準時完成工作」同「冷靜處理危機」等等,最好有實質例子證明,避免內容空泛
  • 行內常用術語: 可以適時拋少少書包,用一兩個行內術語說明經驗,證明你有相關專業知識
  • 目標/成就: 可以講吓你嘅職業目標,或者未來想為嗰行貢獻啲咩,不過記住唔好寫到太偉大!你仲可以簡單提及重點成就,作為工作能力嘅指標。
  • 相關文章:面試小貼士之自我介紹
  1. 3. 寫埋其他課外活動落去

而家越來越多僱主會睇埋應徵者喺工作以外嘅經驗,從而得知應徵者嘅性格同興趣。喺profile適當加入個人成就(e.g.跑馬拉松攞銀牌)同埋義工經驗,除咗可以展示到你有均衡生活之外,同時會引起僱主興趣,可能會係面試嘅時候追問你。到時候你就可以乘勝追擊,好好表現自己!
相關文章:【同學仔留意】由外到內 內至外 教你全面成為interview達人

  1. 4. 搵朋友同事寫好評

LinkedIn可以話係將社交平台嘅功用喺職場上發揮到極致,將人脈化為搵好工嘅籌碼!你可以搵過往合作過嘅同事甚至係朋友,幫手證明你喺profile到列出嘅工作技巧係真有其事,或者寫一小段佢哋對你工作能力嘅評價,令你個profile嘅可信性大大提高之餘,都係展示人脈嘅好機會呀。

各位LinkedIn初哥要把握時間執好個profile,準備迎接下個sem嘅荀工啦!

延伸閱讀:

【搵工入門】Aptitude Test大解剖

最新大學/大專信用卡優惠比較 2019

求職Email / Cover Letter 嘅標題應該點寫?

【小心求職陷阱】簽約前有咩要注意?

    大專生很多時候急需資金周轉交學費,但政府學資處的貸款計劃又未能及時批核。因此,uFinance 根據過往同學們的良好還款紀錄,不斷簡化申請程序,申請只需「學生證+身份證」,申請成功率高達95%,全程網上快捷辦妥,貼合同學需要。

  • 滿足不同經濟需要:交學費、交Hall Fee、還卡數、買電腦、學車、創業
  • 任何本地大專院校學生均可申請
  • 申請只需2份文件(學生證+身份證),毋需收入證明
  • 月平息一律低至 0.84%*
  • 最快即日批核
  • 全程網上申請貸款及確認過數
  • 隨時提早還款,0手續費0罰息

Load more