【大學生活迷思一】讀大學的意義︱ uFinance 大專學生資訊貸款平台

【大學生活迷思一】讀大學的意義

Twing | 16/09/2019

九月有好多新鮮人踏入大學呢個新環境，喺呢個花花世界，或者會玩物喪志，或者會迷惘。小編以過來人身份分享大學生活嘅迷思，絕對主觀，只供參考。

讀完六年中學，迎接嘅係四年自由嘅大學生涯。
如果你係啱啱考完DSE嘅Freshman，恭喜你，你會接觸中學未必體驗到嘅有趣刺激嘅事。
如果你係Asso入黎，恭喜你，上咗岸可以放心玩。
你可以玩Ocamp、上莊、玩Soc活動、走堂、住Hall、讀書，相信你踏入大學呢個地方，大把人爭相教你點玩、點揮霍青春。學玩太容易了，好快就可以「青出於藍」。
喺香港，點解我地要讀大學？
無他，為咗張砂紙囉，為第時有份好工。
無他，為咗達到社會嘅期望，個個都讀大學，唔通個個都想讀大學咩！讀到咪讀囉。
的確係好貼地、好現實嘅寫照。
大學生嘅正面形象大概係有學識、讀得書多、有活力，社會大眾對大學生寄予厚望，視之為未來社會棟樑。作為大學生嘅你同我，應該好清楚大學生活並非咁正面、光鮮，甚至大部份時間只係食玩訓。