【大學Groupmate圖鑑 】出嚟啦 絕世好Groupmate!

林十六 | 19/10/2023

次次Group Project分組我都求神拜佛:上天啊請賜我一個Carry全場嘅groupmate。但實情無free-rider就好偷笑啦。大學做過咁多group project,以下咁多種隊友,你遇過晒未?我就差少少先集完郵嘅。

絕世好Groupmate:Carry全場型

俾人carry嘅滋味,怎一個爽字了得。佢會lead住大家做,但又肯融合大家意見,最重要係有啲咩都幫手執。我到而家都仲記得,有次英文GE科,大神幫成組執咗份script,成份嘢即刻由Window 98 upgrade到Window10。到present臨近尾聲,聽住大神一口流利英文,望住professor滿意嘅笑容,昅到張紙grade個位,寫住A,我等凡人心花怒放頂禮膜拜。但這些機會,我都只係遇過一次。都係嗰句,睇嚟我上世做得太少善事。

安分守己型:做好份內事

大部分人都係呢類規規矩矩嘅隊友,俾到啲有用意見,定咗內部deadline如無意外都會準時交貨,而啲貨都係普普通通無大位要改咁。做人好知足啦,起碼你哋傾group project時間中都可以「笑聲笑聲滿載溫馨」,遇到下面嗰啲你就知咩係生不如死。

Freerider

呢個唔駛解釋太多,可以tag的話呢度會有一串人名。有啲講到自己忙到秒秒鐘幾百萬上落咁,有啲直接放棄蒲都唔蒲頭。大佬,你想死啫我唔想死呀。但如果你以為佢哋真心想玩you jump I jump,咁就too naïve啦。通常你搞掂得七七八八之時,就係佢哋上水之日。狀若關心嘅一句:「sorry呀,我之前有啲事無點follow添,你哋整成點?我有咩做到架?」你有咩做到?

豬隊友

見到“豬隊友”呢3個字都有心理陰影。同freerider唔同,你唔可以兜口兜面X交叉佢,而係要懷住拎諾貝爾和平獎嘅心情,委婉地「指導」佢哋。豬隊友都有分幾種,佢可能係:一能力差到你嚴重懷疑佢大學學位係買番嚟,做出一堆shit要你執;二開會做自己嘢+講嘢又九唔搭八;三當正自己KOL意見多多聲大夾惡但實情冇咩料。

咪話唔益你,嬲嗰陣聽下呢首「不要生氣讚美操」。https://www.youtube.com/watch?v=TtQ9hwYoyWQ

延伸閱讀:

【大學生活迷思二】住Hall生活

【大學生活迷思一】讀大學的意義

解釋上莊全術語 — Con Day咩意思?

最不堪回首!召喚聚生DSE回憶

【大學生活迷思三】上莊教曉我的事

 

    大專生很多時候急需資金周轉交學費,但政府學資處的貸款計劃又未能及時批核。因此,uFinance 根據過往同學們的良好還款紀錄,不斷簡化申請程序,申請只需「學生證+身份證」,申請成功率高達95%,全程網上快捷辦妥,貼合同學需要。

  • 滿足不同經濟需要:交學費、交Hall Fee、還卡數、買電腦、學車、創業
  • 任何本地大專院校學生均可申請
  • 申請只需2份文件(學生證+身份證),毋需收入證明
  • 月平息一律低至 0.84%*
  • 最快即日批核
  • 全程網上申請貸款及確認過數
  • 隨時提早還款,0手續費0罰息

Load more