校園Guide

成日聽人講「犯太歲」，究竟咩係「犯太歲」呢？係中國傳統文化入面，總共有60位「太歲星君」會輪流當值掌管每一年嘅運勢，而「犯太歲」就係指某幾個生肖同嗰年當值嘅「太歲星君」唔夾，例如相沖、相克或相害，從而會影響到嗰年嘅運勢。如果咁啱你個年係「犯太歲」的話，有機會係健康／財運／事業有危機，所以好多人都會係年初就會搵方法去化解。如果你係屬馬／鼠／牛／兔／雞，就繼續睇埋落去啦！

 

2026犯太歲生肖

馬｜犯太歲
雖然今年係馬年，但屬馬嘅朋友係本命年係“值太歲”，代表今年運勢相對唔穩定，特別容易係健康、財運、事業等方面遇到波動。

建議：今年情緒起伏比較大，會比較有火氣，好容易同人有口舌之爭，長期處於一個好「唔順心」嘅狀態，所以記得唔好成日鑽牛角尖同諗野太負面，注意自己嘅情緒。

 

鼠｜沖太歲
屬鼠嘅朋友今年同馬年太歲相害，所以係“沖太歲”，象徵變動同動盪。今年可能遇到較大嘅生活變化，例如搬遷、出行、事業調整，甚至人際關係中嘅變化。

建議：今年建議主動迎接變化，避免與他人爭執，凡事以和為貴。仲有避免係情緒激烈時做出重大決定，以免日後後悔，最好在心情平靜時，經過深思熟慮先行動。

 

牛｜害太歲
屬牛嘅朋友今年同馬年太歲相害，所以係“害太歲”，通常係指會遇到好多小人、或者人際關係不和。雖然相對上影響比較少，但都要加倍小心。

建議：因為今年容易遭遇誤會或因疏忽導致損失，所以需要多加注意周圍人際關係，或環境變化。記得學會適時表達感謝同尊重其他人，減低誤會機會。

 

兔／雞｜破太歲
屬兔嘅朋友今年同馬年太歲相刑，所以係“破太歲”。今年人際關係會有影響，亦都會有一啲隱藏的壓力或阻力，所以要多加注意同埋調整心態。

建議：今年最容易出現嘅係「計劃趕不上變化」，所以即使事前規劃周全，仍有機會因為外在環境變動，導致原有計劃需改變，所以記得要建立調整能力，同埋多溝通。