校園Guide

一年一度嘅聖誕狂歡節黎啦！見到身邊個個去晒旅行自己留係香港有啲sad?其實又唔駛咁頹嘅，香港都有好多值得去嘅打卡點！今次等小編大家搜羅幾個香港最有特色同唔伏嘅好去處，等你哋留係香港都過到一個冬日聖誕啦！

 

(1) 西九聖誕小鎮2025

想過一個冬日聖誕少不免要有棵巨型聖誕樹係室外打卡啦！今年海濱西草坪化身成「西九聖誕森林」，擺放超過60棵聖誕樹，包括一棵逾12米高的巨型聖誕樹！除此之外，海濱東草坪仲會有「西九聖誕市集」，等你可以邊行邊打卡！

日期：2025年12月12日至2026年1月11日

地點：西九文化區藝術公園海濱草坪西面

 

(2)赤柱廣場「夠薑過聖誕」

除咗上面介紹嘅西九聖誕小鎮外，其實今年赤柱廣場都有好多特色燈飾同擺設，令你可以好似置身外地咁！赤柱廣場將於12月19至28日舉辦「魔幻聖誕盛會」嘅聖誕活動，而且仲會有逾 100 檔人氣及手作攤位嘅大型市集，集結文創產品同聖誕主題特色美食，想離開市區的話就唔好錯過喇！

日期：2025 年 12 月 19至 28日
地點：赤柱廣場天幕廣場、公共空間及美利樓

 

(3)香港冬日嘉年華2025

一年一度嘅香港冬日嘉年華將會係12月22日至明年3月1日回歸中環海濱啦！今次嘉年華將會有超過30款機動遊戲同攤位遊戲，而且今年更邀請了世界知名馬戲團打造全新冬日雜技團表演！門票價錢由$140-160，唔想下下去主題樂園咁貴的話，去AIA都係一個唔錯嘅選擇。

日期：2025年12月12日至2026年3月1日

地點：中環龍和道9號 中環海濱活動空間