AI 可以幫你由零開始寫一份有頭有尾嘅演講稿，包括開場白、主體同結論。重點係畀清晰指令（Prompt），令 AI 明白你嘅要求。建議 Prompt 例子：

• 「我係香港大學商科學生，要準備一個 10 分鐘嘅 Presentation，主題係『香港電商嘅未來』。請寫一份 800 字嘅演講稿，包含開場白、3 個主要論點」
• 「幫我寫一個 5 分鐘嘅演講稿，主題係『可持續發展喺香港嘅應用』」

之後記得upload返本身個份report／ppt上去，咁AI就會有基本框架，唔會幫你吹多餘嘅內容！

貼士
－主題：清楚講明（e.g., 電商、環境、可持續發展）。

－時間/長度：定 5 分鐘、10 分鐘或字數（100 字 ≈ 1 分鐘）。

－對象：話畀 AI 知係同學、教授定企業（e.g., 「香港大學教授」）。

－檢查輸出：AI 有時會寫得太美式或泛化，記得改成香港用語（e.g., 「flat」改「單位」）。

－避免抄襲：改寫 AI 輸出，加入你嘅觀點，避開學校 AI 檢測工具（如 Turnitin）。

Cue Card 最緊要係要短、精、易掃。AI 可以幫你將演講稿濃縮成重點，或者直接生成卡片內容。建議 Prompt 例子：

• 「我有份 800 字演講稿，主題係『香港電商』。請幫我將佢濃縮成 5 張 Cue Card，每張 50 字以內，包含開場、3 個論點同結論，簡單英文，方便我講時記住。」
• 「幫我寫 4 張 Cue Card，主題係『香港可持續旅遊』，每張一個重點（引言、優勢、挑戰、建議），用 bullet points，英文，適合 10 分鐘 Presentation。」

貼士

－濃縮：要求「簡化」或「bullet points」。

－字數限制：每張卡 30-50 字，總共 4-6 張。

－結構：講明要開場、論點、結論。

－語言：簡單英文或中英混用（e.g., 「用香港常用商務英文」）。

－格式化：要求 AI 用 bullet points 或編號，方便抄到卡片或手機。

－視覺提示：可以要求 AI 加入關鍵詞高亮（e.g., 「bold 重要詞如『創新』」）。

－練習用：將 Cue Card 打印或放手機，練講時模擬真場景。

Presentation 時間控制好重要，香港教授同僱主好講究守時。AI 可以幫你估計演講稿或 Cue Card 嘅講解時間，確保唔超時。建議 Prompt 例子：

• 「我有份 600 字演講稿，主題係『香港數碼轉型』。請估計講 10 分鐘 Presentation 嘅時間，假設我講話速度正常（每分鐘 120 字），仲有 2 分鐘 Q&A。」
• 「我有 5 張 Cue Card，每張 40 字。請幫我計講完要幾耐，假設我每分鐘講 100-120 字，仲有停頓同展示 Slide 時間。」

貼士
－字數：提供演講稿或 Cue Card 總字數。

－語速基準：一般演講每分鐘 100-130 字（慢速）或 130-150 字（快速）。試講一次，計平均速度。

－計及停頓：每 3-5 分鐘加 15-30 秒停頓（換 Slide 或觀眾反應）。

－額外時間：提到 Q&A、展示 Slide 或停頓（e.g., 「加 2 分鐘互動」）。

－調整：要求「若超時，建議刪咩內容」

－AI 建議剪輯：若時間超，問 AI「點樣將 600 字減到 400 字，保持重點」