校園Guide

去旅行對香港人真係好重要，Budget有限的話咪去啲近近地嘅地方，例如台北、首爾、大阪、新加坡等。不過已經去得太多次，想發掘下新地方，咁究竟仲有邊度可以去？以下介紹三個冷門少少嘅亞洲地方，唔會同人迫之餘啱哂一班人去冒險啦！

 

1. 韓國大邱、光州

唔好走住睇埋先！我哋由淺入深！見到韓國兩個字你應該會心諗「hea我咩小編」，非也非也。講到韓國多數人會諗到首爾、釜山，甚至有啲人單單去過呢兩度就覺得韓國無非食、玩、買，但我諗呢兩度可能可以令你改觀。韓國每個地方都有佢哋特別嘅食物同歷史，由其是光州係一個充滿歷史背景嘅地方，如果有睇過「逆權司機」呢套電影嘅話就會知道當中發生過咩事。有興趣的話，記得做多少少功課再去，包你有不一樣嘅體驗！

 

2. 越南峴港

難度會比韓國再高少少，但峴港呢個地方其實都越黎越唔冷門，話哂香港都有直飛可以去到。係越南嘅呢個城市曾經係《國家地理雜誌》推薦的人生必去50個地方之一，論嘢食定打卡地方定博物館定陽光與海灘，都一定輸俾其他地方。要注意就可能係治安方面，小編有幾個朋友去越南都咁啱有唔太好嘅經歷，所以都係小心最好。

3. 斯里蘭卡

難度又再高一截。斯里蘭卡呢個地方香港人可能比較唔熟悉，其實佢就係我哋成日飲嘅「錫蘭紅茶」嘅「錫蘭」。對我哋而言呢個未必係一個熱門嘅旅遊熱點，但唔講唔知好多外國人都好鐘意去呢個國家，貪佢有古蹟又有陽光與海灘，唔少仲會係一個女仔背包旅行咁去。呢個國家可以玩嘅城市其實唔算多，要全國玩哂兩個星期都已經可以。話哂佢哋語言、文化完全唔一樣，甚至唔屬於普遍華人嘅「儒家文化圈」，無論係自己去定一班人去都會係一個好好嘅挑戰。

以上地方都有一個共通點，就係物價都唔會算好貴。去過傳統熱點覺得悶嘅，就可以考慮下呢啲地方，包你畢生難忘！