校園Guide

話咁快又去到Sem尾要考Final嘅日子，辛苦咗成年只要捱多一陣就可以放暑假啦！不過今個sem好不幸有好多科有Final，啲時間又唔係幾夠用，個人又好易比嘢Distract點算好？除咗狂隊咖啡之外，原來以下3樣嘢都會幫你集中精神，盡快進入作戰狀態架！唔想飲「雞精」咁癲，不妨入嚟睇多啲啦！

 

1. 蛋白質

又去做Gym嘅同學一定日常補充好多蛋白質，但其實無健身習慣嘅人都要補充足夠蛋白質，先會令你頭腦運作得好啲。

蛋白質入面嘅酪胺酸（胺基酸之一）可刺激腦部，令大腦清醒。想吸取足夠酪胺酸的話可以入多啲牛奶，不過牛奶入面含有色胺酸，會令大腦製造血清素，繼而產生睡意。如果想集中專注力吸取足夠嘅蛋白質嘅話，建議係原型食物入手，例如食多啲豆類、海鮮、雞蛋等，可以令大腦清醒，發揮最大功用。想事半功倍的話，強烈建議早餐嘅時候食多啲高蛋白質食物，咁你就可以由朝早開始就集中到精神，效率upupup啦！

 

2. 堅果類食品

堅果類嘅食品會含有Omega 3 脂肪酸，可以有效促進大腦血流量同埋幫助新腦細胞生成。如果大腦長期血液暢順，同埋有腦細胞可以修補的話，可以能夠令人專注力提高，甚至降低壓力！只要每天進食大概5粒堅果類食品，就可以有效減低日常下晝時經常面對疲倦感。除咗係堅果類食物入面有Omega-3脂肪酸，豆類／種子類食品，甚至深海魚類，例如三文魚同鯖魚都可以吸收到Omega-3架！溫書溫到攰嘅話，食下刺身都唔錯喎！

 

3. 天然香薰油

除咗從食物入手，溫書嘅時候搽下天然香薰精油都可以改善專注力架！可以選擇嘅精油包括檀香、雪松 、乳香、香蜂草、藍絲柏、蠟菊 、岩蘭草、迷迭香、檸檬、佛手柑、薄荷、葡萄柚等。你可以將精油搽係後頸背及太陽穴等，用作平衡情緒同支援大腦健康。另外，如果你係考試期間會特別緊張，亦都可以係屋企到擺放一啲令心情放鬆嘅精油，或擴香裝置，等你好瞓啲之餘，工作效率都可以大大提升啦！