【大專生必備恩物】除咗ChatGPT外仲有咩實用AI工具？
潮流興用AI，但其實唔係剩係得ChatGPT一個AI好用，其實市面上都有好多唔同類型嘅AI工具幫到你做assignment或者解決好多平時要搵Google幫手嘅嘢。今次我哋就介紹三個實用AI工具，等你以後可以慳返啲時間做其他有用嘅嘢啦！
Gamma
平時要做PowerPoint但係無從入手，用Canva整嘅話Template選擇又太多搞到選擇困難？不如試吓用Gamma啦！Gamma係一個AI生成工具，令你可以撳一個掣就可以做到一份文件／PowerPoint／網站。入邊有好多素材可以揀返，而且仲可以透過AI調整返內容，相對上唔需要用太多腦。不過如果你追求自由度高的話，就唔建議使用，因為佢哋都有固定既框架。
ChatPDF
上堂前先發覺有份article未睇，驚無啦啦俾Professor抽問的話，不如試吓用ChatPDF 啦！ChatPDF係一個AI可以幫你摘要返PDF文件內容嘅工具。簡單嚟講，只要你upload份文件上去，佢就可以幫你整理出呢份文件嘅重點，而且你仲可以透過問問題方式去搵返唔同段落嘅重點，仲會quote返相關嘅頁數，都算幾user friendly。不過如果你係想請你大量嘅資料的話，就要留意返ChatPDF免費版支援最多120頁嘅文件，而且一日只可以read三份PDF同問50個問題。
ChatGPT writer
返intern或者返學都好，少不免有啲時候需要寫下formal email。老老實實，平時都成日會Google Template睇吓點樣寫而不失霸氣。不過唔係次次都會搵到相關嘅template，咁不如試吓用ChatGPT Writer。只要輸入特定情境同埋keyword時，就會自動產生一份啱使啱用又得體嘅email。以後如果想搵Professor求情就可以寫一封完美Email，唔使驚同人撞template啦！
其實搵啱一個幫到手嘅AI工具真係可以解決好多生活嘅麻煩。不過都係嗰句唔好過分依賴，因為你都要識check吓有冇伏嫁嘛！
- 滿足不同經濟需要：交學費、交Hall Fee、還卡數、買電腦、學車、創業
- 任何本地大專院校學生均可申請
- 申請只需2份文件（學生證+身份證），毋需收入證明
- 月平息一律低至 0.84%*
- 最快即日批核
- 全程網上申請貸款及確認過數
- 隨時提早還款，0手續費0罰息
大專生很多時候急需資金周轉交學費，但政府學資處的貸款計劃又未能及時批核。因此，uFinance 根據過往同學們的良好還款紀錄，不斷簡化申請程序，申請只需「學生證+身份證」，申請成功率高達95%，全程網上快捷辦妥，貼合同學需要。
