校園Guide

一到夏天就想出一身汗好好運動一番，但其實每樣運動都有佢嘅受傷風險，一唔覺意可能會誤中運動陷阱令自已受重傷，連姜濤都試過做運動受傷而要休養幾個月，一齊嚟睇吓有邊幾種運動最容易受傷，workout 之前都可以打醒精神同做足保護措施啦！

第五位 跑步

唔好以為落街跑個步好簡單，其實愈簡單嘅運動，可能愈暗藏風險，街跑成日要穿梭喺人群同建築物之間，成日要急於轉換方向對腳腕嘅負荷好大，好容易會因為咁而扭傷，而且好多人覺得跑步好easy姐，而忽略事前嘅拉筋同熱身動作，更加加重運動受傷嘅機會，跑步姿勢唔正確更會增加膝蓋嘅負荷，容易出現半月軟骨傷害、後十字韌帶損傷等傷患，所以跑步前記得要做足熱身啦！

 

第四位 拳擊

好多同學仔都會報外間嘅泰拳班，因為拳擊運動可以爆汗同燃燒大量嘅熱量，又可以段練到身體肌肉，但泰拳班入面嘅踢腿動作都係一個好容易受傷嘅位嚟㗎，

大量嘅抬腿動作，會容易造成膝半月板軟骨撕裂、亦會導致跳躍膝（髕骨肌腱炎）、髕骨不穩定等傷害，所以試堂時記得要跟足導師指導，同量力而為啦！

 

第三位 排球

好多同學仔可能由中學開始就有打排球，但你又知唔知排球比賽近80%嘅得分，都因由一啲最大強度嘅跳躍中取得分。排球運動員平均喺一場比賽入面跳躍接近100次、進行約10公尺距離嘅大量衝刺，因而增加排球運動員膝蓋受傷嘅風險，最常見嘅傷害類型為前十字韌帶斷裂、單腳著地造成膝關節腫脹等，所以打排球前要做好拉筋同熱身。

 

第二位 籃球

籃球相信喺好多同學仔都會玩嘅運動，但其實打街場係超級危險㗎，除咗好多碰碰撞撞同好易「拮魚蛋」之外，因為打籃球經常會喺跑動中受到足部撞擊，同埋喺籃球運球其間需要快速轉換方向，令到膝蓋嘅負荷加重，因為咁膝關節疼痛亦係籃球運動中最常見嘅急性損傷，籃球員愈常運球向籃框進攻，膝蓋受傷嘅風險就愈高。最嚴重就例如會導致：半月板撕裂、前十字韌帶斷裂，有可能需要幾個月甚至幾年時間休養。

第一位 足球

足球造成嘅運動傷害比例為38%，係「所有運動之首」，足球常見造成的運動傷害包括半月板損傷、後十字韌帶斷裂與膝關節外側副韌帶損傷等等。大多數嘅受傷都同肌耐力不足，及未有足夠熱身有關，令關節伸展不佳，以及比賽中嘅突發性撞擊都會令膝蓋造成大量受損。

 

記得做運動前要做足熱身運動同做完後伸展返啲肌肉，同記得補充返足夠嘅蛋白質，雞肉同魚及蝦都係一種好好嘅蛋白質來源，同樣以10隻蝦計算，蛋白質同鮭魚含有嘅20.2(mg)或雞胸肉所含有嘅23.3(mg)差不多，記得每樣運動都要量力需為，避免受傷啦！