校園Guide

Marketing入行門檻唔算高，就算你唔係大學主修呢科，只要有創意，又識緊貼市場脈博，其實幾乎人人可以入行，所以好多畢業生或打工仔都會想加入呢一行。不過Marketing都有細分好多種，例如最近好受寵嘅Digital Marketing、Content Marketing等等，但今日就歸納曬所以Marketing嘅種類，同大家一齊探討下做Marketing一類嘅工作有咩好處同面對緊挑戰，希望大家都可以多啲了解呢個行業啦！

好處1：收入可以好高

其實總括而言市場推廣主要工作就係幫公司Sell野，可以話係同公司收入有直接關係。只要產品賣得好，花紅或佣金分分鐘比基本人工多幾倍。

好處2：發揮創意

Marketing非常需要創意，如果你自問計仔多多，咁其實呢份工係好岩你～ 如果想吸引消費者，就要將產品包裝、廣告設計得與眾不同。不過marketing其實都分好多種，如果純粹做「兜客」，靠口才係少不免。相反，如果涉及廣告構思或設計，少一點創意都唔得。

好處3：不會悶

做Marketing絕對唔會悶，因為潮流呢家野會不停轉換，變化好大，食粥食飯都要迎合消費者口味，同埋嗰期興咩熱門話題。

好處4：個人發展

部分Marketing嘅工作接觸嘅層面廣，認識到嘅人都好多。如果想為將來嘅工作提早建立人脈，呢份工真係可以幫到你唔少。

缺點1：壓力很大

Marketing最重視嘅係結果，即係業績（KPI）。所以您雖然不是老闆，但對於產品營業額的「肉緊」程度可能不比老闆小，無形中會有很大壓力，可以說每次出業績都像一次考試放榜，尤其是如果問題出在產品身上，就算您有再大的本領都很難改變消費者的看法，但就要無辜成為箭靶。

缺點2：沒有時間

Marketing工作幾乎係同業績掛鈎，如果業績唔好，加班差唔多係例牌。最慘係遇到想法多多嘅老闆，上頭爆一個點，下面可能就有好多工作跟進。所以好多Marketing人都係做到「虛脫」。

缺點3：代罪羔羊

您可能創意無限，但都要遇到識欣賞嘅人先得，好多時最終決定權未必喺你手中，如果不幸遇上唔支持你欣嘅老闆，簡直是對牛彈琴，最後可能只好老闆黎做。

缺點4：不斷學習

由於潮流和消費者嘅口味變得好快，做Marketing要經常留意市場發展，緊貼時事和文化，所以就算已經做左好多年，都唔可以停落黎。