校園Guide

開咗學2個星期，好多莊都開始招莊活動，freshmen你地又知唔咩係上莊呢？上莊即係指擔任學會內閣嘅幹事，為學會嘅基本會員提供服務、優惠，例如定期舉辦活動或者聚會。成日見d師兄師姐上咗莊都玩得好開心，又可以識到好多人，所以你都心郁郁想試？但係你見到嘅淨係表面，當你真係想去做嘅時候我就建議你睇睇呢篇blog先，因為上莊並唔係你諗得咁簡單，睇完再衡量下自己嘅能力再決定都未遲啊！

---

1.時間唔夠用

上得莊就會有好多嘢要搞，係要非常多嘅時間，隨時連堂都上唔到，教都冇得訓。因為好多活動嘅前期準備係好曬時間。例如Ocamp，要搵營地、R sponsor、design camp tee同蘇粉、活動流程、試game、pre-cam等等，全部都係時間！唔止Ocamp，In aug呢啲重要日子都係，一日比夠48小時你都未必夠。所以上得莊預咗時間比曬支莊。

 

2.乜都係錢

上面都提到上莊需要搞好多活動，搞活動自然要錢，當然搞活動嘅budget本身係來至收返嚟嘅會費，但係其實會費遠遠唔夠用，因為每支莊都想將活動搞得好好睇睇，自然就要多好多錢去搞，啲錢係邊到嚟？你銀包囉！好彩就可以Claim得返，唔係隨時冇咗萬幾蚊都有可能！

 

3.成績一落千丈

時間都比曬支莊，你話仲有冇時間上堂溫書？除非你係天才或者時間管理大師，如果唔係想成績好都幾難，GPA有2都真係要感謝主！

4.身體變差

通頂乃是上莊必備活動，滿滿係咁熬夜，超人都唔掂啦！更何況你只係一個普通人，皮膚變差爆瘡就一定，休息唔夠身體抵抗力變差，身體咁虛弱咪搞到成日病囉！

 

5.要受氣

上莊預咗比班老鬼鬧，鬧你支莊有咩問題，同你講以前係點點點，呢樣唔係咁做。。。好多時候，佢哋都係為鬧而鬧，就好似城大反事件咁。不過只要你做好本分小編就覺得可以了。