校園Guide

2021年係Marvel fans嘅大家都一定十分滿足，因為有多套Marvel系列電影連續上映！有《黑寡婦》、《尚氣》、《永恒族》、仲有近日上映嘅《蜘蛛俠：不戰無歸》！除此之外，Disney+亦都係今年登陸香港，一班Marvel迷可以欣賞Marvel影集《汪達與幻視》、《飛隼與寒冬戰士》、《洛基》以及最新的《鷹眼》。2022年Marvel亦有多套電影上影！想知就繼續睇落去啦！

 

1.《奇異博士 2：瘋狂多重宇宙》

《奇異博士 2：瘋狂多重宇宙》係2016年上映的電影《奇異博士》續集，為Marvel電影宇宙第28部電影作品，屬於Marvel電影宇宙第四階段。劇情大概發生於2019年電影《復仇者聯盟4：終局之戰》、劇集《溫黛與幻視》以及《洛奇》的事件之後，有新敵人想阻止Dr. Strange繼續研究時間寶石，難以言喻嘅邪惡力量因此被釋放。

2.《雷神奇俠 4：愛與雷霆》

《雷神奇俠 4：愛與雷霆》係2017年電影《雷神奇俠3：諸神黃昏》的續集，係Marvel電影宇宙第29部電影作品，屬於Marvel電影宇宙第四階段。今次Jane Foster或會成為故事中的關鍵人，繼承Thor嘅能力，成為女雷神奇俠。而《雷神奇俠 4：愛與雷霆》嘅時間線尚未可以肯定告訴大家～

 

3.《黑豹 2》

《黑豹 2》係2018年上映電影《黑豹》嘅續集，係Marvel電影宇宙第30部電影作品，屬於marvel電影宇宙第四階段。《黑豹》主演Chadwick Boseman在2020年逝世，這個傷心的消息令全世界嘅影迷心碎，亦都令《黑豹2》的故事變成一個謎。隨著《黑豹2》拍攝嘅開始，消息指《黑豹2》嘅內容會繼續闡述有關瓦干達的神秘故事。

 

其實本身2022年係會有6部Marvel電影上映，但因為疫情關係原本2022年上映的《The Marvels》、《銀河守護隊 3》、《蟻俠 3》都推遲到2023年上映。