校園Guide

相信今個農曆新年大家都食唔少賀年食品，個肚腩都肥咗唔少。年糕、蘿蔔糕、油角等等真係好好好好食，但同時又好邪惡，點邪惡法？睇吓以下6件邪惡賀年食品卡路里排行榜，記住食得適可而止啦。

 

每日所需總熱量

雖然香港地仔仔女女身形瘦削，但營養絕對攝取得唔夠。正所謂「三分運動，七分飲食」，一日食兩至三餐，擺咩入口都咪話唔緊要！所以每日所攝取嘅食物熱卡好關鍵。

要以性別、平均一周工作量、壓力、身高、體重、年齡去計算自己每日所需總熱量。

以一個無乜點運動嘅21歲女性為例，以身高165cm，體重50kg計算：

每日所需總熱量約 1600 大卡。

同樣無乜運動嘅21歲男性，身高175cm，體重60kg計算：

每日所需總熱量約 1944 大卡

可以去成人每日需求熱量-線上計算器計算一吓，當然網上資料只供參考。

 

第一名   杏仁小魚乾 = 486卡路里（每100g）

杏仁小魚乾雖然少少地，但會愈食愈多，仲好多鹽份，卡路里有成兩碗飯咁高。

 

第二名   椰汁年糕 = 265卡路里（1件）

年糕真係無辦法唔食，但佢嘅卡路里仲高過200卡路里嘅一碗飯！宜食一件就停口。

 

第三名   芋頭糕 = 160卡路里（每100g）

蘿蔔糕及芋頭糕會用到臘肉、臘腸呢啲高脂、高膽固醇、高鈉材料，好容易致肥。

第四名   馬蹄糕 = 140卡路里（每100g）

馬蹄糕主要成分係馬蹄粉和糖，食兩件都等於食咗一碗飯嘅卡路里。

 

第五名   煎蘿蔔糕 = 130卡路里（每100g）

              蒸蘿蔔糕 = 87卡路里（每100g）

烹煮方法好關鍵，最好用蒸或微波爐加熱方法代替煎，咁就健康好多啦！

 

第六名   油角 = 80卡路里（1件）

只要吃多過4件就相等於一碗白飯的熱量。

 

最後祝大家身體健康、出入平安、缺一不可啊！