校園Guide

又到左送禮季節啦，嚟緊又聖誕、新年、情人節，先唔講個荷包有冇錢，淨係揀禮物都揀到頭痕🤯～仲要送禮最緊要心意，要諗咩送得咩唔送得，真係難過考試。。。所以送禮係真係一個學問！其實每個國家都有自己嘅送禮文化，當中都有送禮嘅禁忌。所以今次「珍奇異國」就同大家分享唔同國家嘅送禮禁忌，你會發現原來我地成日送嘅禮物係其他國家可能係禁忌！

 

1.英國🇬🇧

禁忌一：禮物唔需要太過貴重

禁忌二：唔好送條紋領呔，因為英國人淨係會戴自己買嘅條紋領呔，戴人地贈送嘅係唔吉利

禁忌三：唔好送百合花，因為意味死亡

2.美國🇺🇸

禁忌一：送禮物唔好送雙數，但要講究包裝

禁忌二：黑色對於美國人係唔吉利嘅顏色

3.法國🇫🇷

禁忌一：唔好送菊花、杜鵑花或者黃色嘅花

禁忌二：唔好送有仙鶴圖案嘅禮物，因為法國人認為仙鶴係愚蠢嘅代表

禁忌三：唔好送香水比只是普通朋友關係嘅女性，讓人產生過分親密嘅感覺

4.德國🇩🇪

禁忌一：唔好隨便送玫瑰，玫瑰係專for情人，而且數量唔好係雙數

5.墨西哥🇲🇽

禁忌一：唔好送黃色、紅色同紫色嘅花。因為黃色嘅花代表死亡，紅色嘅花會帶來晦氣，紫色嘅花係喪偶專用的

禁忌二：送手巾仔要小心，手巾仔通常同眼淚有聯繫，係一份好sad嘅禮物

6.俄羅斯🇷🇺

禁忌一：唔好隨便送現金比人，有施捨同侮辱嘅意思

禁忌二：唔好送蠟燭、野花同埋黃色或三色以上的雜花，送鮮花唔好送雙數

禁忌三：唔好將禮物送到去office，因為送禮係一件私人嘅事

7.阿根廷🇦🇷

禁忌一：唔好送菊花同灰色嘅東西

禁忌二：唔好送手巾仔，因為送手巾仔怕會招來悲傷

禁忌三：唔好送恤衫、領呔之類嘅禮物，因為係貼身、私人嘅東西

8.日本🇯🇵

禁忌一：唔好送梳，因為“梳”嘅發音同“死”相近

禁忌二：唔好送病人一盆植物，因為表示希望嗰個人病入膏肓

禁忌三：唔好送有荷花嘅圖畫，因為荷花代表喪事

禁忌四：一般人唔可以送菊花，因為係日本皇室專用