校園Guide

早餐係一日入面最重要嘅一餐，我地香港人嘅早餐都係離不開茶餐廳嘅沙爹牛麵、火腿通、煎太陽蛋等等。咁其他國家嘅早餐呢？今次「珍奇異國」就同大家分享世界唔同地方嘅早餐究竟係食咩～

 

1.日本🇯🇵

日本人最常見最簡單嘅早餐就係納豆配白飯。

2.土耳其🇹🇷

土耳其人最鍾意一款叫「Kaymak」嘅cream，佢地會將蜜糖同Kaymak搽係烤過嘅麵包上面，再加埋煎蛋同辣味sucuk香腸。

3.菲律賓🇵🇭

菲律賓嘅傳統早餐叫Hotsilog，有大蒜炒飯、煎蛋同煎腸。 菲律賓嘅腸係呈紅色多汁，通常會用煎炸烹調，然後同大蒜炒飯和太陽蛋一齊放係碟上。另外再會搭配番茄醬、醃製木瓜絲以及番茄片。

4.義大利🇮🇹

義大利人鍾意簡單嘅早餐，可以隨時拎得走，而一杯咖啡同埋Croissant就係義大利人最basic嘅早餐。

5.丹麥🇩🇰

丹麥早餐最常見有黑麥麵包、芝士、意大利臘腸、火腿、肉醬、蜂蜜、果醬，仲會有“Pålægschokolade”，係一種非常薄而脆的巧克力片，通常配麵包食。 

6.美國🇺🇸

Pancake加Maple syrup，再放幾塊bacon係最常見嘅早餐。 

7.英國🇬🇧

我地依家成日係cafe食嘅All Day Breakfast其實就係英式早餐，有蕃茄豆、香腸、bacon、雞蛋、蘑菇、多士同埋薯餅，仲要加埋一杯熱辣辣嘅茶。

8.韓國🇰🇷

韓國人嘅早餐一定要有「飯」，仲有韓國人三餐都不能缺少嘅泡菜以及拌菜，再加一碗湯，通常會加埋啲飯落碗湯一齊食。