校園Guide

好多人都知道韓國將「前後輩文化」睇得好重。同大過自己嘅人講野係必須同對方講敬語（除非長輩同意你可以講平語），而且根據唔同嘅情境、場合等等嘅因素，敬語都會有唔同嘅形式。其實我地成日聽到嘅 “唷” 同 “思密達”都係敬語，但係有乜分別？想知就繼續睇落去啦！

---

佢地究竟係乜意思？

其實“唷”同 “思密達”並沒有任何意思，佢地都只係句子嘅語尾敬語助詞，所以大家都會係句子完結嘅時候聽到呢兩個form。

 

佢地有咩分別？

上面講到兩個都係語尾敬語助詞，你可能會問：「兩個都係敬語？咁求期揀個用就得啦！」梗係唔係啦！Intro有講過敬語會根據唔同嘅情境、場合等等嘅因素有唔同嘅形式，而“唷”同 “思密達”正正就係呢個情況。

 

先講講“唷”，呢個係最基本嘅敬語，「非格式體敬語」。最常用於一般日常場合。語氣會比較溫和、疏離感亦都較小。由於都係敬語，仍然不失禮貌，通常用於日常生活中與長輩、陌生人對話時用。

*“唷”嘅正確韓文寫法係「요」

 

再講講“思密達”，“思密達”其實係韓文中表達最高敬意嘅敬語，「格式體敬語」，係最有禮貌嘅用法。係正式場合、正式文章中經常用到，例如公司會議、企劃書、學校報告、典禮中會用到。因為係非常有禮貌，會令人覺得有距離感。

*“思密達”嘅正確韓文寫法係「습니다」

格式體、非格式體是什麼？

格式體有正式感，通常用於正式場合，亦都經常用於書寫、書面中。而非格式體則比較隨和，常用於口語中，包含同長輩對話，在氣氛較輕鬆時都可以用。 

 

韓文嘅敬語其實有好多變化，呢兩個只係其中兩個大家最常聽到嘅敬語～ 選擇用邊種敬語可以體現你嘅禮貌程度，而韓國人係非常注重這呢一點㗎！