校園Guide

上次教完大家點樣喺無開瓶器嘅情況下開啤酒，今次生活智慧王系列教大家點樣方便地搵路同搭車。

上回提要：【生活智慧王】酒鬼必睇 7種免開瓶器開酒方法

3個必備即時交通轉乘 App

Moovit (Google Play、App Store)

呢個 App 提供點對點完整路程建議，亦可搜尋地鐵、巴士、VAN 仔、渡輪時間表。仲有得查看巴士行駛情況，如巴士位置、到站時間，結合埋九巴App 嘅功能！可以儲存經常去嘅地方，十分個人化。

 

Citymapper (Google Play、App Store)

Citymapper 提供點對點完整路程建議，除咗公共交通工具仲有Uber、單車、步行等，涵蓋多種公共交通服務，提供多條路線。仔細到提示埋邊個地鐵站出口，都可以儲存經常去嘅地方，十分個人化。

 

Pokeguide (Google Play、App Store)

Pokeguide 提供最快地鐵車廂車門位置、包含所有交通轉乘資訊、點對點完整路程建議，點對點路程嘅建議比Citymapper再準少少，涵蓋多種公共交通服務。Pokeguide有AR導航，只需把手機垂直放心口前方，前鏡頭對住前面，螢幕就會出現目的地嘅方向同距離，沿路可見螢幕左右出現箭咀提示前行方向。

 

3個必備揸車 App

高德地圖 (Google Play、App Store)

揸車導航能力高過Google Map！高德地圖嘅行車線提示比Google Map更準確，到路口、轉線會放大提示。另外，高德提供虛擬實景功能，好容易就能夠明白複雜嘅路線，新手上路都唔怕。加上，高德地圖更新香港地圖比Google Map 更密。

 

香港出行易 (Google Play、App Store)

運輸署出嘅App，將「香港行車易」同「交通快訊」合拼成「香港出行易」，提供實時交通運輸資訊，亦可以搵到各區停車場等等。

 

HK Traffic 香港道路即時情況 (Google Play、App Store)

呢個App結合多個車主常用功能同交通消息渠道，包括交通快照，和主要道路行車時間，就可以知道邊至塞車等等。