校園Guide

由細到大「藍廢紙📃、黃鋁罐、啡膠樽」已經植入咗係我地嘅腦入面，我地淨係覺得得呢3樣嘢可以回收～但係依家原來唔止得3樣回收物可以回收㗎啦！唔知大家最近有冇發現你住緊嗰佢附近多咗一間好靚、綠色嘅回收站呢？佢哋就係環保署最近開始推動「綠在區區」計劃嘅自助回收便利點啦！想知入自助回收便利點可以回收啲咩回收物？咁就繼續睇落去啦！

1.8種回收物♻️

回收便利點都會接收8種回收物，包括塑膠、廢紙、金屬、玻璃樽、小型電器、慳電膽/光管、充電池、四電一腦等等。每一種回收物都會有佢哋獨立嘅回收櫃！

 

2.回收注意事項⚠️

– 紙類

紙包飲品盒要先沖洗乾淨，以及清除有塑膠嘅部分先可以回收。

-塑膠

塑膠有細分為膠樽同其他塑膠，一樣要洗乾淨先拎去回收！

-玻璃

只接受回收飲品、醬料以及普通嘅玻璃容器，而承載過化學物品和藥物嘅容器係唔可以回收的！

 

3.服務時間🕔

回收便利點服務時間為早上９時至睌上７時，亦提供夜間自助回收櫃。

 

4.儲分計畫 💚

      

今次嘅「綠在區區」計劃仲設有積分計畫，登記咗「綠綠賞」智能積分卡，咁就可以可以一邊回收，一邊儲分換禮物，禮物都係一睇日常食品或用品！