校園Guide

差唔多完sem，各位酒鬼又要係咪又要出動慶祝呢！但係一個唔覺意飲得太多，起身嘅時候你就會發覺自己好似變咗隻「喪屍」,嗚嗚嗚… 作為一名出色的飲酒愛好者（其實係因為太容易飲醉酒），小編搜羅左幾個小方法，大家一齊清醒下！！！

1.補充好多好多好多水份

由於酒精含有好多利尿成分，容易使體內的水分大量流失形成脫水現象，一旦血液中的水含量減少，血液流經消化系統等臟器的效率就會降低，造成想嘔嘅感覺。因此如果想舒緩hangover徵狀，最直接嘅方法就係灌自己飲多啲水，或者如果覺得齋飲水太清淡嘅話，飲啲果汁或者係運動飲品都可以。

2.適當哋做下運動

Hangover嘅時候可能會令人唔想活動係真嘅，但係其實做啲適量嘅運動例如快走或者做下伸展運動可以令身體分泌更多安多酚，抑制宿醉症狀。另外，因為運動期間會急速排汗，之後再補充番水分可以令身體更快速咁代謝曬多餘酒精，KO宿醉。

3.食啲補充電解質嘅食物

當你飲得越多酒，就會流失越多鉀質，缺少鉀會令人感到疲累，然後就會因為唔可以伸展手腳和嘔吐而覺得好辛苦。適當咁食下香蕉，牛油果呢啲含有豐富鉀離子嘅食物，最啱用來減緩hangover帶來嘅唔舒服。

4.用薑黃素幫下自己

有科學家做過研究，發現薑黃係最佳嘅天然抗解酒藥之一，唔單止可以幫助應對在宿醉後第二日嘅身體同埋金屬問題，仲可以從體內清除毒素，保護肝臟同大腦免受酒精嘅不良影響。市面上唔少嘅解酒丸都有薑黃素成分，宿醉嘅時候可以買啲來試下啦。

5.好好哋休息，訓翻飽啲

飲醉酒之後，最好嘅醒酒方法就是好好訓一覺，因為肝臟會在訓覺時候代謝曬體內嘅所有酒精，加埋喺飲醉嘅狀態下訓覺，睡眠品質都會比較差，無辦法真正休息，所以訓醒之後再翻去訓個回籠覺，身體會比較舒服。

溫馨提示：小飲怡情，大飲傷身