【消磨時間法】- 本地 Youtube Channel 推介

Meimei | 23/12/2020
消磨時間法】- 本地 Youtube Channel 推介

唔知有無人同小編一樣,一得閒就好鐘意睇Youtube? 小編最瘋狂嘅時候可以由午夜睇到朝早!今日就同大家分享5位本地Creator啦!

 


1/ 光頭幫Tomfatki 

相信有唔少人聽過佢地首【天水圍GANG GANG】,重榮登咗今年香港Youtuber十大MV第四位!Tomfatki前身Hu.ge係由福正、肥仔、啊奇、法老、仲民,五子組成。其後頻道解散後福正、肥仔、啊奇以光頭幫Tomfatki名義重新岀發!佢地Channel內容圍繞生活、音樂、探險、時裝搭配同煮食等等。佢地比人嘅感覺係一班大男孩無懼世事目光,忠於自己嘅感覺!學佢地話齋「生活好苦,最緊要甜。」一生人只可以活一次,點解唔好好做我地想做嘅事?

 


2/ 肥姨姨 Myfataunt 

一開始肥姨姨以Snapchat Filter大口仔嘅形象岀現係IG,分享笑話甚至爛GAG,係IG迅速走紅。後嚟佢開設Youtube Channel去分享佢嘅大學生活、日常、甚至係奇人異事,佢正面又搞笑嘅形象真係會令人唔開心都開心翻呀!而佢嘅貓貓呀蛋有時都會岀現係佢嘅Channel坐陣添!

 


3/ MARASMR 

近年興起嘅ASMR食播,韓國稱為Mukbang,每次睇都會令人口水直流同無法言愉嘅快感!除左韓國,其實香港都有一位Creator熱衷於做哩一類型嘅片,佢就係Ah Mar啦!Ah Mar平時除左自己做ASMR Mukbang之外,重會同女朋友Christa一齊拍,見到佢地食野滿足嘅樣真係令人好幸福呀!而且Ah Mar都會同唔同Creator合作,就好似Boris, 小花咁,令到我地見到佢地另一面呀!

 


4/ OyanSay 工作好玩嗎

相信大學生去到一個時候,都會開始規劃職業路向,唔知你會唔會諗創業呢?如果你有興趣開一間時裝店,跟住哩個Creator嘅內容就啱你啦!Oyan係一間韓系時裝店嘅老板,佢嘅IG Shop有多達11萬嘅Followers!佢嘅Youtube Channel記錄佢嘅工作日常、穿搭同生活分享,當中重有分享過關於創業嘅血淚史,對有興趣創業嘅你可以參考下!

 


5/ Enochvan諾穎 

鐘意文青Style嘅你一定唔可以錯過佢地嘅Channel!由一對小情侶開設Youtube Channel到成為新婚夫妻嘅啊諾同呀穎,經常分享打卡好去處、穿搭LOOK BOOK、開箱同日常影片。佢地啲片嘅調色同氣氛都係好有質感同日系文青Feel㗎,有時見到哩到情侶打打鬧鬧,個感覺好有趣!而且佢地重開左時裝店,亦設計左一啲自家品牌,分享佢地對Fashion 嘅態度同熱誠添!

 

    大專生很多時候急需資金周轉交學費,但政府學資處的貸款計劃又未能及時批核。因此,uFinance 根據過往同學們的良好還款紀錄,不斷簡化申請程序,申請只需「學生證+身份證」,申請成功率高達95%,全程網上快捷辦妥,貼合同學需要。

  • 滿足不同經濟需要:交學費、交Hall Fee、還卡數、買電腦、學車、創業
  • 任何本地大專院校學生均可申請
  • 申請只需2份文件(學生證+身份證),毋需收入證明
  • 月平息一律低至 0.84%*
  • 最快即日批核
  • 全程網上申請貸款及確認過數
  • 隨時提早還款,0手續費0罰息

Load more