校園Guide

每個人都會有情緒低落嘅時候，小編覺得呢個時候最啱就係聽啲火辣熱情嘅歌。真係可以幫到我哋重燃鬥志！今日小編就推介8首熱血歌曲比大家，Let’s on fire!

 

1.P!nk 《Just Like Fire》

係咪總係覺得自己逐夢嘅路上永遠都陰雨綿綿？咁你一定要去聽下呢首歌，Pink嘅歌聲話比我哋聽，即使一路如履薄冰 ，努力都會好似星星之火咁係某個Moment留下屬於你嘅絢爛。

 

2.GEM《心之焰》

無人知從墜落深淵到戴上王冠到底要經歷幾多磨難，但只要堅持到底總有一日可以浴火重生！呢首歌唱出咗一種從無到有的不懈努力並且堅守信仰嘅精神，當你感到洩氣嘅時候就聽下呢首歌，或者可以重新點起你團火喔～

3.周杰倫 《夢想啟動》

通往成功嘅路上，必然充斥住唔少嘅汗水同淚水。但人如果無夢想咁同條鹹魚有咩分別！就算失敗又有何關係，站起来，再重来，把脆弱推开！小編會為你嘅未來喝采喔～

4.夢然《少年》

願你走出半生，歸來仍是少年。只要保持住初心不變，就是面對困境最好的方法。當遇到挫折嘅時候，不如好似歌詞入面咁講：「Say never never give up Like a fire」。不因磨難而停下腳步，就會見到成功的藍圖。

5.Bruno Mars《That’s what i like》

大家有無幻想過一段火辣辣嘅愛情呢ke，Bruno Mars 呢首歌好詳盡咁Show 比我哋睇一段熱情如火嘅愛應該係點樣嘅，聽住呢首歌就好似親身感受到一切戀愛嘅美好時光咁！（小編都好想好似歌詞咁講： Talkin’ trips to Puerto Rico)

6.Supper Moment《無盡》

當構思踫壁，當理想壓抑嘅時候，大家會點做？係認命倒下定係倔強冒險全在於你嘅選擇！如果可以嘅話或者就用剩餘嘅力氣，去努力完成自己嘅目標啦。（幫你鼓掌幫你鼓掌幫你鼓掌）

7.Eminem《Lose Yourself》

負能量就好似夢魘咁，厭煩又容易讓人奔潰。要踢走負能量不如就有解放自我開始！讓人生變好嘅機遇，可能一世人只會發生一次，我哋可以做嘅嘢或者就係孤注一擲，唔好因為虛度光陰而錯失變好的機會。

8.Beyond 《光輝歲月》

呢首歌我估大部分香港人都由細聽到大，歌詞朗朗上口，卻一次又一次咁為我哋嘅生活帶來力量令人再一次企返起身, 面對各式各樣嘅困難。呢首歌就好似你嘅好朋友係隔離比激勵你咁：「唔好再猶豫啦，去啦！」

希望大家都可以keep住自己心入面嗰團火，無論遇到咩難題，都可以保持積極樂觀，Fire!