【愛戀沒經驗】情侶有咩禁忌話題唔好掂

雪仔 | 13/06/2021

良好嘅溝通係保持關係嘅一個重要元素,好多人都話情侶之間應該要無話不談。小編對於呢句說話雖然深表認同,但有好多嘢一個唔留神講錯就會破壞兩個人之間嘅甜蜜愛情,為咗避免傷害對方,以下呢幾個話題大家都係bookmark定唔好亂咁講。

1.一直同前任或者人哋嘅伴侶做比較

每個人都有自己獨特嘅地方,有自己嘅長處。但好多人拍拖嘅時候都會不自覺咁樣將其他人同自己伴侶做比較,特別係「前任」!!!過去就係過去,珍惜眼前人才是王道。

2.係咁追問對方「你愛唔愛我」,情緒勒索

喺感情入面,大家都會好在意究竟伴侶對自己嘅愛有幾深。好多情侶係感情上感受唔到安全感嘅時候就會瘋狂質疑另一半嘅愛意,或者拎自己嘅付出施加壓力到對方身上,長久落去好容易會令伴侶覺得心累疲倦,咁樣嘅關係一啲都唔健康。

3.不斷提及對方嘅缺點

無人會鍾意自己嘅缺點比人拎出來「鞭屍」吧,人無完人,系發覺伴侶做錯事/有啲咩缺點嘅時候,用一種比較溫和嘅方式來提醒而唔係責備/取笑會對兩個人嘅關係更好喔~

4.講對方屋企人或者朋友嘅壞話

就算感情再好嘅情侶,都應該尊重對方嘅底線圈子。伴侶嘅父母/朋友或者未必同你有好好嘅關係,但畢竟親情嘅聯繫難以切斷,無謂令大家陷入兩難局面,好傷感情ಠ_ಠ

5.持續輸出負能量

人人都會有負能量,對最親密嘅伴侶傾訴係人之常情,但係如果沒日沒夜都對著伴侶「放負」,唉聲嘆氣咁好容易會消耗對方嘅耐性,用更積極樂觀嘅心態來面對生活,面對伴侶先會令自己真正快樂(小編都學緊)

6.將「分手」掛喺嘴邊

好多人喺遇到問題/爭執嘅時候都會將放棄掛係嘴邊,甚至有啲人會用分手來威脅自己嘅伴侶。再好嘅感情係經唔起持續不斷嘅「分手考驗」,成日講放棄會好容易令伴侶覺得你根本唔重視呢段感情。

有好多時候,感情就好似一塊脆弱嘅玻璃一跌就會碎,只有互相體諒互相尊重嘅感情先可以行得長久呢(⁎⁍̴̛ᴗ⁍̴̛⁎)

 

 

    大專生很多時候急需資金周轉交學費,但政府學資處的貸款計劃又未能及時批核。因此,uFinance 根據過往同學們的良好還款紀錄,不斷簡化申請程序,申請只需「學生證+身份證」,申請成功率高達95%,全程網上快捷辦妥,貼合同學需要。

  • 滿足不同經濟需要:交學費、交Hall Fee、還卡數、買電腦、學車、創業
  • 任何本地大專院校學生均可申請
  • 申請只需2份文件(學生證+身份證),毋需收入證明
  • 月平息一律低至 0.84%*
  • 最快即日批核
  • 全程網上申請貸款及確認過數
  • 隨時提早還款,0手續費0罰息

Load more