校園Guide

啱啱考完DSE準備入大學嘅Freshmen，相信你哋除咗既期待又擔心校園生活外，你哋都想了解大學生之間嘅文化。係大學入面有好多特別嘅術語，唔少人初初聽到呢啲術語都R曬頭，完全唔明啲師兄師姐講緊咩。唔緊要！今日就同大家解釋一啲你將會成日聽到嘅大學術語！

 

1.過三爆四

GPA即係Grade Point Average，各科的成績計算出來的平均數。「過三」是指GPA高過3；「爆四」是指GPA接近或高過4，「過三爆四」通常係學生們對自己成績的憧憬。

 

2.天地堂

「天地堂」是指當日有兩堂，一堂係最早(天)；另一堂係最晏(地)，中間相隔咗4-6個鐘，咁就為之「天地堂」。

 

3.Killer

「Killer」是指一些評分比較嚴謹嘅professor，好難係佢哋手上攞到好嘅分數。唔想GPA被拉低就要清楚知道變個professor係Killer啦！

 

4.仙

「仙」係指高年級的學生，取「Senior」的諧音，有超仙、大仙及細仙之分。

超仙︰Year 4嘅師兄/姐

大仙︰Year 3嘅師兄/姐

細仙︰Year 2嘅師兄/姐

 

5.摺

「摺」係指終日埋首課本，唔同同學聯誼，成日讀書温書。

• 摺友︰指不參加社交活動，只躲在家或宿舍做自己事情的大學生。
• 摺拉把／摺拉︰經常躲在圖書館溫習而不投入參與活動的大學生。 通常考試前夕或者有天地堂嘅同學仔就會係摺啦把啦！

 

6.獸醫

「獸醫」每間學校都駐校嘅醫生，但因為駐校醫生普遍比人嘅感覺都係斷症隨便，而且因為價錢平，提供嘅藥藥效都唔大。其實大部分去睇嘅學生都係為張假紙。

 

7.莊

「莊」是指一些學生組織、系會、學會的內閣。延伸落去仲有以下嘅術語：

            -上莊：有2個意思；「上」係動詞嘅時候就解作擔任校內學生組織幹事，另一個意思就指上一屆嘅幹事。

            -落莊：上屆的幹事卸任。

            -傾莊：有興趣成為下一屆幹事的同學聚埋一齊討論學會未來方向以及活動。

            -Con Day：=Consultation Day，諮詢日。

 

8.Hall/宿

Hall是指宿舍，有啲學校叫Hall，有啲叫宿。仲有一啲關於宿舍嘅術語：

            -屈蛇：不是大學宿舍的宿生，但偷偷地係宿舍住。

            -鴛鴦蛇：本身都唔係宿生，但偷偷地係異性嘅宿舍到屈蛇。

            -打蛇：學校不時會有巡查，去每一間房間檢查有冇唔係宿生嘅學生係到留宿。

 

當然大學術語唔知咁少，以上都係每間大學通用嘅terms。另外，每間大學都有一啲屬於自己嘅術語，呢啲就要等各位fm寶寶去慢慢發掘，當你聽得多就自然朗朗上口㗎啦！