【出街食乜好】去尖沙咀必買嘅3間人氣烘焙麵包店

Rachel | 21/04/2022

相信唔少人嘅早餐都係麵包，而且香港人鐘意食包嘅程度，基本上身邊總有一兩間麵包店。近年多少外國有名嘅烘焙麵包店進駐香港，而且每間烘焙麵包店各有特色，由傳統味道到特色新口味都有。今次先介紹3間尖沙咀人氣烘焙麵包店，中意食麵包或者想早餐食麵包都食得有新意嘅朋友就要睇落去啦！

Bakehouse

Bakehouse相信唔少朋友都聽過，尖沙咀分店已經係佢哋係香港嘅第三間分店，亦係九龍區首間分店添。Bakehouse由前香港四季酒店糕點行政總Grégoire Michaud主理。Bakehouse除左招牌牛角包同酸種葡撻必食外，尖沙咀店獨家嘅蛋脆皮雲呢拿夾心菠蘿油，新鮮嘅配搭令人驚喜而且夾心鹹香口感柔滑，再加上焦糖脆脆令口感更豐富。

地址：尖沙咀漢口道44號地下

SAKImoto 嵜本

日本大阪人氣生吐司專門嘅 SAKImoto 嵜本主要售買吐司及自家手工果醬。SAKImoto 嵜本由配方及原材料到果醬口味都跟足日本。SAKImoto 嵜本出售「極美」和「極生」兩款吐司，極美吐司使用北美小麥及無蛋奶配方，並用湯種製法保持麵包濕潤度。而極生吐司則加入北海道牛奶、牛油和蜂蜜，選用中種製法及湯種製法，透過低溫發酵，令麵包鬆軟和香甜味。

地址：尖沙咀海港城港威商場L3 3208舖

SAKImoto 嵜本不定期會有限定口味吐司出售，可以留意佢哋嘅FaceBook

Gontran Cherrier

Gontran Cherrier 擁有「巴黎最佳牛角包」之稱，所以佢哋主打就一定係牛角包啦！除左牛角包之外，佢哋亦有超過80款麵包、甜點和鹹點。Gontran Cherrier 可以選擇堂食或外賣，堂食就可以同朋友飲杯咖啡嘆個包，Chill住傾偈過一日。另外，大家都可以買完出去K11外嘅海濱長廊，邊睇住維多利亞港邊嘆Gontran Cherrier 嘅麵包，別有一番風味。