校園Guide

呢排大熱人物之一193（郭嘉駿）老是常出現，因為寸爆友台同埋零偶像包伏而深得網民心，漸漸地就變成ViuTV綜藝節目嘅靈魂人物！佢成日都話「知我咩料啦」！ 究竟佢喺咩料呢?今日就等小編拆解193嘅個人魅力啦！

 

1. 憑全民造星入行

喺＜全民造星第一季＞開頭，原來193仲未叫193㗎！喺後期花姐幫佢諗咗呢個藝名，令佢更加有話題性。193第一集出埸就顯露左啲諧星特質， 唔止外表高大仲直率自認想靠樣入行。去到中期仲比綜藝之神附身斷咗隻手，本身已經夠奇怪嘅舞姿加埋唔方便嘅右手，完全喺＜全民造星＞嘅一大笑點。

 

2. 組成Error行幽默路線

雖然最後193入唔到圍，但佢嘅綜藝感獲得花姐賞識，有幸同肥仔、阿Dee同埋保錡組成行搞笑路線嘅偶像團體ERROR。呢個幾乎無底線嘅團體喺出道曲就已經有成段喺到自嘲緊193斷手：「193怎斷⼿ 哎呀 哎呀 哎呀 單⼿都可拍手」。 隨後無論咩節目都好，193都喺維持高傲自大的形象，見人就窒，呢種率直搞笑嘅人設唔少網民都相當認同。

3. 好錫粉絲

193班Fans嘅統稱喺「老婆」，而佢自己就喺「老公」，之前有討論區嘅網民唔知仲以為喺「周柏豪老婆事件」嘅翻版。而且，佢地仲有個telegram group 「193 club」，193周不時都會覆下「老婆」機㗎！佢之前仲上左夠薑蔥嘅Youtube Channel幫3位小粉絲襯衫，發揮潮流教主嘅威力。

 

4. 強烈反差萌

你唔好睇見193牛高馬大，原來佢超怕動物！佢仲有個騎喱原因「因為我唔知佢哋諗緊咩」。當你以為193好型好大隻嘅時候，分分你仲大膽過佢！即使喺日本可愛嘅奈良鹿，193 cosplay扮埋佢地同類，佢都驚到喊咗！人地隻鹿淨喺想食手上塊餅咋！如果想睇下193有幾搞笑，快啲去重溫＜花姐ERROR遊＞啦！