校園Guide

話咁快Sem Break又過咗一大半啦，唔知大家係咪已經覺得悶悶想搵嘢玩呢～但礙於疫情而家出街玩真係無以前咁方便，又無得去旅行唯有留番喺屋企打機啦！但有時要出門／搭車無聊怕無野玩？唔緊要小編今日就推介5個熱門手遊比大家，唔同風格都有岩曬鍾意新鮮嘅大家啦～

 

1.《三國志 霸道》

呢隻game係由光榮特庫摩開發同埋營運嘅MMO 戰略模擬手機遊戲，遊戲入面玩家要扮演君主喺中原大地建立都市。呢款策略模擬嘅game採用即時戰鬥嘅玩法，玩家唔單止要忙住爭奪都市，更加要爭奪資源的據點同兵糧運送部隊，而且蘊含豐富嘅歷史情節，好似將你帶翻入三國時期一樣，仲可以體驗​​緊張感十足嘅戰爭。

2.《二之國：交錯世界》

呢款game喺設計上係好豐富嘅吉普力風格，唔單止有高品質嘅動畫演出仲有熟悉嘅久石讓配樂，彷彿令人置身童話世界一樣。玩家有5種職業可以揀，分別係流氓、破壞者、巫師、技師仲有劍士。而呢隻 MMORPG game 重點當然係做唔同嘅任務啦，呢隻Game無論係主線定係支線故事都好豐富，令人著迷喔～

3.天涯明月刀M –Garena

呢隻Game被人戲稱為“武俠版食雞”，充滿住策略性與打擊感的戰鬥體驗。而喺 PVE 模式中嘅每一個 Boss 都有一套自己專屬的體系與打法，玩家可以自己去探索唔同嘅操作技巧。而且遊戲入面嘅景觀描繪得非常真實，每一個地點都有各自嘅地景特色諸如山川、峻嶺、沙漠、雪山等等。而且遊戲中嘅每一個選擇都可能改變江湖的走向，大家可以創造屬於自己嘅遊戲結局！

4.Coin Master 

由以色列開發商Moon Active研發呢隻game早排引起咗全城熱話，佢以休閒嘅藝術風格再加上可持續嘅核心玩法同埋優秀遊戲體驗獲得了大家嘅關注。不得不提，佢嘅線上運營團隊亦都非常活躍。小編記得身邊嘅朋友都經常重複嗰句經典遊戲對白“不要攻擊我的coinmaster 村莊”作為手遊嚟講，得閒玩下係真心幾放鬆ga。

5.Pokemon Unite

呢隻game屬於簡化版嘅MOBA類遊戲，對於有玩過LOL/傳說對決等MOBA遊戲的玩家來說應該不難上手。即使係好似小編咁未接觸過MOBA嘅新玩家亦都唔洗怕，我哋可以一齊由比較簡單嘅精靈開始玩。仲有多達19款精靈角色比你揀，鍾意pokemon嘅朋友仔唔好錯過啦。