【AMAZON迷思】買賣手提電腦攻略-下集

samantha | 14/05/2021

上次講咗係Amazon買電腦嘅好處,今次就講下Amazon 買手提電腦2大伏位啦!

1. Dead On Arrival 退貨問題

通常香港買電腦,會包7-14日有壞死機唔著,可以一換一,服務好嘅鋪頭買完唔識用,㩒錯制死機唔識搞,返去間舖扭計佢都會睬你,幫你搞掂佢。對一個電腦白痴黎講,唔好睇少呢個服務,呢個服務隨時救你一命。而Amazon,你知會有一個30日內dead on arrival 退款服務,係可以退款,但係手續好複雜。如果真係發生左,你要自己PACK返好件野,填勁多張FORM,自費寄番美國先至退款,仲要如果填錯要彈回頭再填…個個有經驗既試完都講粗口,如果冇相關Amazon 退貨經驗,最好唔好一黎就用Amazon 買咁貴既野,最好由平野買起,試下玩下先。(小編推薦:可以買平板,Galaxy Tab S7都平啲㗎)

2. 國際保養問題

好多人覺得冇保養冇所謂,當然冇事咪好,但如果有呢?你冇事個陣實覺得冇所謂,真係出事,你就喊都冇謂。仲要手提電腦,品質監控參差不在話下,空運會唔會撞壞你都未必肯定。所以冇保養都要諗清楚!

以下係接受Amazon買電腦支援國際保養嘅品牌,資訊經過翻查近十年各大討論區(連登, MOBILE 01, HKEPC…) 對唔同品牌經Amazon 買入電腦,官方條款及直接聯絡客服綜合結論。以下結論為綜合各方資訊後得出的「最保守結論」,例如: 如果曾經有人在討論區經歷同樣方法申請保用卻不受理,我會視為「失敗經驗」並將該品牌之「國際保用」成功率減低。

Dell

– 只適用加購dell premium warranty 並需一要將保固服務由發售地轉到當地
條件1: 需要當地有同樣的手提電腦發售
條件2: 經Amazon購買後需要上Dell 申請轉移產品地區,保養轉移手續雜複,申請時間需要三個星期以上,客不會有完善支援用戶由Amazon水貨轉到香港再申請Dell Premium Warranty 的完整過程,需要用戶自行申請及轉換保用,成功率一半一半

– 第二個方法: 經DELL US 購買直接買時加dell premium,再經集運到香港

Lenovo

– 香港官方客服指出只有Lenovo Thinkpad Series 支援一年國際保用

– Lenovo 香港為其中一個國際保用地區

– 客戶購機後可以查找自己的Model 的國際保用期限

Razer

– 不支援國際保用

– 保養手續也異常繁複,首先到Razer.com 報告問題,一星期後收到Email要你提供一大堆資料
之後經代理送回總公司維修,時長需要數個月

Microsoft

– 不支援國際保用

MSI

– 支援一年國際保用但香港不是認可的保養中心

– 最近之認可國際保養點為台灣或深圳

GIGABYTE

– 1年國際保用

Acer

– 一年國際保用,但該國際保定義為全球旅約保固
條件一: 需要於購買地居住而出國到外國申請保養
條件二: 需出示當地購地證明旅行證件
條件三: 如果外國買的電腦在本地居住不視為全球旅約保固

HP

– 一年國際保用
– 香港較少人報告過經Amazon 購買hp laptop 相關經驗

– 台灣比較多,一般條件
– 一型號需要同時在當地有代理的型號才受理
– 失敗經驗通常都是到最後發現當地沒有代理該型號laptop而不受保

ASUS

– 最多成功經歷亦最多香港人報知有國際支援及售後的品牌
– 保修成功率亦最高

Apple

– 自帶1年國際保,亦可自行選擇加購Apple care plus 至三年加意外保

– 售後服務及質素最方便之選擇

 

綜合過去各大討論區之用戶反饋,以下為”保養優先” 之Amazon購機”最保守建議”

1/ 只買ASUS, APPLE 品牌手提電腦

2/ 只購買Amazon官方的手提電腦

3/ 需要有Amazon購買電子產品及相關退貨經驗

4/ 對手提電腦硬件及電腦使用有基本認知(非電腦白痴族群)

5/ 即使無保,價差極大到你覺得冇保都冇所謂 (個人認為5千蚊以上,不過應該難啲)

6/ 品牌品質監控良好(最差包括MICROSOFT , ACER, RAZER , 最好APPLE, 其他唔差但未到最好)


Advertisements

 

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more