【 Fact check 系列】血型性格論原來係真嘅?盤點4大血型性格特點

雪仔 | 25/06/2021

星座影響性格大家就聽得多啦,但原來血型唔同都會影響人嘅潛在性格!而喺日本、韓國,血型更加係識新朋友時候嘅常見討論問題。小編今日就整理咗唔同血型潛藏嘅性格特點,睇完應該會對自己/身邊嘅人更加瞭解!

血型历史大揭秘!最老的血型竟然是它? | Legacy Times

1.AB型男仔

通常AB型男仔對於事物嘅要求都比較高,因為佢哋做嘢比較經常會以理性出發,好有自己嘅原則同態度。對待感情亦都會好認真同埋慎重,喺好值得信任嘅類型ke~

 

2.AB型女仔

AB型女仔通常性格都會比較強烈同埋自我中心,外表可能未必好睇得出,但其實佢哋嘅心思通常都好細膩,如果想同佢哋建立更加親密嘅關係可能就要比多少少耐性啦~不過佢哋通常好知道自己要啲咩,所以面對離別亦都會比較灑脫。

血库ab型血为什么少- 发条视频

Advertisements

3.A型男仔

「完美主義」係佢哋嘅特點,A型男仔通常比人嘅外在感覺都係比較冷漠。且心思比較複雜,希望所有嘢都可以制定縝密的計畫後再執行。而戀愛方面,個性活潑而且愛撒嬌嘅人比較符合佢哋嘅理想型,但同時佢哋有時亦都會因為愛面子而口不對心。

 

4.A型女仔

「永遠諗得比人多」係A型女仔嘅特點,做好多嘢之前都會考慮得好仔細長遠。而如果事情發展未如理想嘅話好容易就好似被打沉咗咁。(小編自己就係)通常都會比較慢熱少少,但一旦對住親近嘅人就會好活潑~利申A型女仔非常專一。

a型、b型、ab型、o型血哪個血型最好?4種血型

5.B型男仔

 愛恨分明+爽朗率直,B型男仔好似天生就無咩選擇困難症咁。佢哋好清楚自己想要嘅係咩嘢,加上單純嘅性格,喺好多女仔心目中嘅「完美情人」,但值得留意嘅係B型男仔討厭被拘束的感覺,太多嘅控制好容易會令佢哋反感(#゚Д゚)。

ps.聽聞多啦a夢都係B型血~

 

6.B型女仔

「原諒我這一生不羈放縱愛自由」就係佢哋嘅性格寫照,佢哋會好享受屬於自己嘅孤獨。而喺做嘢方面,B型女仔工作style通常比較即興而對於感興趣嘅事物亦都會好執著。愛情方面會比較急迫,所以好有可能會大方表白心跡。

B型:B型血是人類血型的一種。適合從事的職業有舞蹈家、音樂家、劇作家、外-百科知識中文網

 

7.O型男仔

O型血男仔通常都比較有親和力,有坦率而且顧全大局嘅特徵!所以佢哋嘅人緣都幾好。而戀愛中嘅佢哋屬於積極表達愛意嗰類,好熱情~但唔好隨便否定佢哋,自尊心強勁嘅佢哋好容易會受傷。

 

8.O型女仔

性格活潑,坦率呢啲特點喺O型血女仔身上可以話表現得淋漓盡致。而隨之而來的係佢哋通常會有較高嘅自尊心,遇到傷心嘅事亦都比較容易暴躁、發嬲。但瞭解佢多啲,你先會發現佢哋潛藏嘅溫柔同脆弱。

注意觀察身邊「O型血的人」你會發現遇見他們是福份,超準的性格說明讓大家都想找一個當朋友啊! - boMb01

Advertisements

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more