【香港文青 Starter Pack】文青愛睇散文哲學 6本書留名待睇

Twing | 16/05/2021
如果扮文青可以成為一個契機,比大家接觸文哲史,何樂而不為?
第六集香港文青starter pack,同大家講吓文青最鍾意睇咩文哲史類書,順便介紹以下6本書。

 

【小說】

推介小說嘅話,小編會揀經典嘅小說。世界上出名又經典嘅小說有好多,以下呢兩本小說有容易代入嘅,亦有比較fuck up嘅,作為文青,一定要睇吓。

1)《挪威的森林》/村上春樹

【香港文青 Starter Pack】文青愛睇散文哲學 6本書留名待睇

日本名作家村上春樹係好多文青或者年青人都鍾意睇,而《挪威的森林》正係村上嘅代表作。《挪威的森林》可以睇到佢嘅風格同獨特嘅寫作方式,此書以愛情同人性為主軸。要注意嘅係書中有好多自殺情節,以及主角同不同女人周旋。大家略略知道呢本書講咩之後就快啲去睇啦。

 

2)《人間失格》/太宰治

【香港文青 Starter Pack】文青愛睇散文哲學 6本書留名待睇

同樣係日本文學,由太宰治所寫嘅《人間失格》,書名嘅意思就係失去做人嘅資格。聽個名都feel到一陣憂鬱、絕望嘅感覺。事實上,呢部小說係太宰治生前最後一部作品,喺1948年發表完之後,太宰治就同佢嘅女書迷殉情而死,所以呢本小說經常被人視為係自傳性質嘅小說。篇幅較《挪威的森林》短,好快就可以睇晒。

 

【散文】

散文同小說唔同,睇咗少少,再隔一排先睇都唔大影響,比較輕鬆。

1)《拼命無恙》/林夕

【香港文青 Starter Pack】文青愛睇散文哲學 6本書留名待睇

小編就諗起林夕近十年都出咗唔少新詩同散文,例如《那麼,你自己呢?》、《原來你非不快樂》,細心嘅你就會發現書名係參照佢自己嘅詞。包括上年出嘅《拼命無恙》,同現今時代、動盪社會扣上關係。話比大家知,喺在非常時期,更要保住生活日常。

「想保無邪之軀,還是必須好好過下去」。

 

2)《回家》/韓麗珠

【香港文青 Starter Pack】文青愛睇散文哲學 6本書留名待睇

《回家》係韓麗珠第一本散文集,內容關於作者獨居於島嘅生活記述,由空間、物件、親人等多個面向切入,思考「家」。近年愈來愈多人離居,移民他國。離開咗嘅香港仲係咪我嘅家?喺其他國家嘅新居所又係咪我嘅屋企?何處是吾家?

Advertisements

 

【現代詩】

近年愈來愈多現代詩,台灣出產超多,例如 Instagram page「晚安詩」、「Staymild」,過十萬人follow,呢啲 page 專精選各首不同現代詩,然後喺網路上轉載。現代詩輕薄簡短嘅特性,令佢漸漸走入大眾視野。台灣比較出名嘅新人有陳繁齊、任明信、潘柏霖等。

1)《我討厭我自己》/潘柏霖

【香港文青 Starter Pack】文青愛睇散文哲學 6本書留名待睇

所以小編喺芸芸現代詩裡面揀咗《我討厭我自己》推介比大家,由潘柏霖所寫。好簡單,就係比討厭自己嘅人睇的。入面嘅詩有長有短,好快就睇得完,輕輕鬆鬆。有苦痛嘅人睇,相信會得到安慰。

 

【哲學類】

1)《大時代的哲學》/好青年荼毒室

【香港文青 Starter Pack】文青愛睇散文哲學 6本書留名待睇

近年好hit嘅好青年荼毒室,相信大家都有聽過或者睇過佢地嘅Youtube live,最高峰有過二千人同時收看架。佢地係一班讀哲學嘅人,佢地杜絕文青,但正如小編撰寫呢個系列嘅目的,就係希望大家可以藉扮文青嚟接觸文化層面嘅事物。例如哲學,喺大時代中,哲學思想同態度點樣幫助我地諗野呢?

 

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more