【韓國綜藝推介】係真定假?韓國綜藝超乎你想像!你嘅《第六感》準唔準?

Queenie | 03/12/2021

韓國嘅綜藝做得非常出色係眾所周知,尤其《Running Man》同《兩日一夜》,唔止係韓國國內最頂尖嘅綜藝,更風靡全世界粉絲!而呢兩個綜藝節目更捧紅唔少藝人,例如宋仲基、宋智孝、金鐘國、金宣虎等等。但係!小編我今日要介紹嘅綜藝並唔係呢兩個,而係一個名為《第六感》嘅節目。千其唔好睇少佢!佢嘅規模唔比《Running Man》小,而且非常好睇!有興趣就繼續睇落去啦!

 

1.節目簡介

《第六感》係韓國tvN製作嘅戶外推理綜藝節目。製作組每集會準備3個場所、食物或人物, 而3個其中一個係由製作組製作出嚟嘅假場所、食物或人物,混淆視聽,主持同嘉賓就要運用超越五感嘅「第六感」最終須選擇認為是節目組偽造的地點,選擇正確的主持或嘉賓獲得純金製成嘅金柿子

 

節目係有有「綜藝大神」之稱嘅劉在錫領軍,帶領吳娜拉、全昭旻、Jessi、李美珠一齊主持,而第二季更加有演員李相燁加入成為固定主持,節目已經完成播出咗兩季!

Advertisements

2.節目看點

《第六感》最吸睛嘅係製作組每集所準備的「假」場所,真詳做得非常真!尤其第一季第一集,一班主持完全比製作組呃透,所有人知道結果都O曬嘴!想睇下製作組點樣短時間去整一個假場所?下面即刻收看!小編真係每一次睇都被震撼~🤯

 

製作組準備嘅固然好看,但主持之間嘅互動都非常好笑!尤其當佢哋玩一個叫「種類三行詩」嘅遊戲,如果導演出嘅種類係「19禁」,一班女主持就會非常興奮😂而劉在石就會崩潰,因為劉在錫玩呢個game係最唔識接嗰個,而且已經控制唔到一班女主持~🤣想想睇下一班主持玩呢個game?下面即刻收看(4:41-5:23 開始就是最經典的場面)!每次睇都笑到肚痛!

《第六感》呢個綜藝真係好用心製作嘅一個節目!完全顛覆你嘅想像~節目內容本身已經創新,再加一班超有chemistry嘅主持,真係一秒都唔們如果你想睇下你嘅「第六感」強唔強?不妨睇下呢個節目😏 聽說製作組已經積極準備緊第三季了😍!!!!希望快啲有得睇啦~

 

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more