【見字操肌】4個廣東話Youtube健身教學

Marcus Lee | 21/09/2020

如果gym room驚危險,又唔鍾意落街跑個步都要帶口罩,想操fit啲都唔知可以點?小編都有呢個煩惱,但最近就發現Youtube大神可以解決到呢個問題!今日就介紹幾個小編覺得教得好嘅Youtuber健身教練!
  1. 09訓練

    呢個台由熱身開始教,有教基礎版同進階版嘅訓練,又有811喺銅鑼灣俾警察打甩門牙嘅「爆牙仔」好詳盡咁教正確掌上壓、Parkour嘅跨欄、全身心肺訓練等等。重點係全部都無須訓練器材(除咗跨欄)而且佢哋教得超級仔細,無論有冇健身底,都絕對可以練到嘢。過去呢一年相信大家都睇到健身嘅重要性,呢排仲要有疫情唔出得街,變相多咗時間鍛鍊身子,大家喺屋企足不出戶都能夠訓練~~佢哋channel仲會整啲影片回應一下時事,都好好睇,真心誠意推介呀。

     

  2. Get-GO

     

    呢個channel呢就主要教引體上升,所以如果你買練引體上升嘅器材咁就十分適合,而且佢分三條片非常詳細咁講用引體訓練背肌肉嘅方法同心得,如果想練背肌嘅真係值得一看。如果屋企零器材嘅(好似小編咁)都唔洗怕,因為佢哋channel都有教隨時隨地、無須器材嘅腹肌訓練,就算入門新手都可以喺屋企試試呢!

     

  3. Zelos Wong Hoi Yat黃凱逸

     

    呢個channel就教得全面啲,有教唔同種類掌上壓練胸肌,有教家中腹肌訓練,有高強度減脂訓練,仲有沙灘嘅雙人訓練(不過而家乖乖哋唔好去住啦)。小編覺得最特別嘅係佢有教用背囊做健身訓練!咁就真係好方便,喺屋企都絕對可以日日做~佢有整一個playlist咁睇,好流暢,不知不覺就睇晒~想操fit啲嘅不妨望望佢!

     

  4. Terence雲

     

    最後一個要介紹嘅係主打家居健身嘅channel。佢裡面有好多練身體各個部位嘅家居健身片,男女皆合用,而且每次幾分鐘就睇晒,好實用。佢嘅channel仲有介紹按摩嘅方法、伸展運動嘅方法,呢啲全部都對健身十分有幫助~操肌前後伸展吓,操完又可以按摩番酸痛肌肉,而且都係全部只需要小工具就可以喺屋企做到晒,真係幾啱而家用~

講到尾,都係想鼓勵大家注重多啲身子飲多啲水、均衡飲食、調整返身體時鐘、有空操fit吓自己,唔知遲啲又會遇到咩難關,但都希望大家一齊健健康康撐落去~

Advertisements

延伸閱讀:

【外賣app優惠整合】優惠碼&信用卡優惠 ( lingduck/ UberEats/ Deliveroo/ Foodpanda/ e肚仔/ Openrice)

【2020 性價比高】5間Staycation酒店推介

【留定走?】5個升學移民地點推介+懶人包

 

  • 同學仔只要係早上申請,最快可以係下午就拎到錢
  • 申請只需要回答8條問題 + 2份文件即可,60 秒完成申請
  • 同學仔文件交齊,90%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費
Load more