【聖誕主題電影推介】聖誕節孤零零一個冇人約?等Netflix陪你過!

Queenie | 10/12/2021

聖誕個個都開party,食大餐,自己就孤零零一個冇人約🥲?唔驚唔驚,Netflix係大廳😤!Netflix每年都有好多以聖誕作為主題嘅原創電影🎄,有浪漫嘅,又有合家歡嘅,總有一套啱你嘅!今次blog就為大家推介5套小編私心覺得好睇嘅Netflix聖誕主題原創電影比大家!

 

1.聖誕大件事(The Christmas Chronicles)

         

講到聖誕節,一定要有嘅人物就緊係聖誕老人🎅🏻,呢部電影嘅主角就正正就係聖誕老人啦!電影主要圍繞聖誕老人坐雪橇派禮物,一對好奇嘅兄妹為左證實聖誕老人係咪真實存在,決定喺平安夜嘅晚上唔訓教都要捕捉到聖誕老人嘅身影!最後當然比佢地見到聖誕老人啦~但係聖誕老人的雪橇意外撞壞,上面嘅禮物都唔見晒,一對兄妹就要通宵同聖誕老人係早晨黎到之前搵辦法搵返所有禮物,準時派比全世界所有小朋友!《聖誕大件事》已經有兩集!可以連續睇曬係正嘅!

 

2.兜亂公主闖情關(The Switch Princess)

        

呢部電影由《High School Musical》嘅女主角Vanessa Hudgens一人分飾兩角,去到第二集更加一人分飾三角!真係好勁!電影主要講述女主角Stacy係一位芝加哥烘培師,去到貝爾格維亞見到同主角一模一樣嘅女公爵Margret,兩人因某些原因交換身份後,係聖誕節中,Stacy同Margret各自搵到自己嘅另一半,以及搵到想過嘅生活。今年已經原班人馬出左第三集啦!鍾意睇啲輕鬆笑下嘅電影嘅你,呢個就啱曬!

 

3.聖誕王子(A Christmas Prince)

       

呢部電影係一部典型嘅麻雀變鳳凰劇情,女主角Amber係一個記者助理,受到上司嘅指示要去採訪即將繼位嘅王子Charlie。一心想盡快成為記者嘅Amber為左拎到獨家新聞,假扮成公主嘅補習老師。但係經過每日嘅相處後,了解到Charlie原來並不是傳言所講嘅樣子,同Charlie產生了愛情。當然中間有誤會嘅部分,但就等大家自己去睇啦~劇情係有啲老套,但係就好多人buy,Netflix之後仲推出左續集《聖誕王子—皇家婚禮》同《聖誕王子—皇家BB》。

 

4.愛情很難(Love Hard)

呢部聖誕電影就以「網戀」為主題,兩個在網路上都有所隱瞞嘅男女,係聖誕第一次在現實見面時發生嘅故事,從中彼此學會如何真誠面對以及接納自己,一齊成為更好嘅人。住係LA嘅女主角Natalie係一個Blog Writer,經常將自己悲慘嘅交友經歷寫成文章,但依然相信交友App可以搵到真愛。有一次,Natalie係交友app識左一個陽光男孩Josh,兩個人咩都傾,Natalie深信對方就係Mr. Right ,決定係聖誕飛去見喬許一面,結果Josh並唔係照片上Josh…

 

5.節日限定之戀(Holidate)

最後一部聖誕電影嘅女主角Sloane 係一個唔鍾意過節日嘅女仔,因為每逢過節日全家人都會問佢有男友未啊?然後係咁話要介紹男仔比佢識。咁啱有一日Sloane 行街嘅時候撞到一樣唔鍾意過節日嘅Jackson,於是佢地約定成為對方嘅“Holidate”,純粹陪對方過節日的伴侶,但就係咁佢地意外發展出不一樣的戀情。呢套小編真系超推薦!!!

 

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more