【戀黎戀去】第二擊: 交友APP易中伏?

佛系空姐CC | 16/12/2020

話咁快又到年尾啦,黎到12月姐係代表咩呀?聖誕節黎緊啦!如果唔想再唱merry merry christmas, lonely lonely christmas既話,點樣先可以快速出到pool呀?我諗交友App應該可以幫到想搵另一半既朋友仔~

依個年代,交友app既choice簡直多到爆,最熱門既就有tinder啦,cmb啦,omi啦,不論你係單戀既,失戀既,什至係拍緊拖,最誇張既係結埋婚生埋仔,都可能會奈不住寂寞,要識下新朋友仔~但相信有玩過交友APP既你都應該都會中過伏,一齊黎睇下最易中既伏係咩啦!

貨不對版

依個相信係top1多人遇到既實例,遠睇誇啦啦近睇吹喇叭,更何況係張相?你都知修圖app既偉大嫁啦,p圖可以p瘦d塊面,又可以磨下皮整到d皮膚白滑d,不過咁,如果最後約到出黎見真人你發現對方貨不對版,到最後比人彈鐘,咁唔係仲hurt咩?大佬呀,d profile picture唔好太過份啦,適可而止啦~

當你銀包

飯腳karen既故事相信大家都聽過嫁啦,一日走11場既,食咩都唔洗比錢,如果係男仔既你就慘D啦,分分鐘約完女神出黎食飯比人當你係飯票,剩係識得叫你去食貴野,番到屋企就開始唔覆message,自己睇路啦~

搵FWB

FWB(全寫: Friend with benefit),依個term相信有玩交友app既你一d都唔會陌生,意思就係one night stand既好聽版囉,不過小編覺得時下既年輕人對sex都開放左好多,亦都有偏向open relationship>serious relationship,如果大家目標一,搵緊既野係一樣既話,就絕對無問題既,但如果你想認認真真搵個另一半拍長拖既話,咁就要小心d留意對方到底有咩目的啦!

漁翁撒網

玩得交友app既大家,每日都有唔同既choice,姐係話每日都有機會match到新人,今朝9點同你講完夜又到夜晚9點先覆,你估真係成日都咁忙咩,係因為太多Chat room覆唔切咋!小編既朋友(利申非本人)同我講過,佢玩Tinder個陣最高峰係一次過同十個囝囝傾計,你話啦,點覆得切呀,如果對方開始越覆越少,小編係度勤大家都係快d收手啦~

美容傳銷

相信有玩app一段時間既大家,都唔難發現一d集團式既經營,好似一式一樣既樣,profile,而佢地最勁既,一定就係佢地既演技!一步一步咁同你build up關係,襯同你開始熟,就會慢慢氹你落搭,如果你係純純的,未拍過拖,真係會好易沉錯船嫁~小編勸大家一句,係app度識左無耐就叫你貨金既話,真係要打醒十二分精神!千期唔好咁易落搭嫁!小編都曾經有朋友既朋友中過招嫁,到時喊都無用!

小編祝福大家係2020年之前都可以搵到一個錫自己既另一半,過個甜蜜既聖誕節!

Advertisements

繼續閱讀:
【戀黎戀去】第一擊: 細數情場Player既招數
【Fact Check系列】食物金字塔一直係錯?你食野求L其 重新認識飲食營養
【聖誕禮物】開心翻埋嚟!一人一個最唔想收到嘅聖誕禮物!

    唔少同學都會有財務需要,例如交學費,交卡數,Hall Fee, Exchange等,uFinance 為學生提供現時市場上最簡易申請低息學生貸款滿足你嘅財務需要,讓你可以擁有一個無壓力而又充實嘅校園生活。

  • 同學仔只要係早上申請,最快可以係下午就拎到錢
  • 同學仔文件交齊,98%機會申請獲批
  • 提早還款唔會收同學仔任何手續費或罰息
  • 整個申請到還款過程 uFinance 不會收取同學任何手續費

Load more