校園Guide

文章由 uFinance 提供

戀愛就像蜜糖，甜起上來真係可以羨煞旁人～（單身嘅空氣亦都可以好清甜）。有時適當嘅甜味可以滋潤下繁忙嘅生活，所以小編今日就推介8首甜蜜蜜情歌比大家聽，等大家有無伴侶都可以感受到甜甜的氛圍。

1.周杰倫：《甜甜的》

呢首歌而家常駐咗喺小編嘅playlist入面，每次聽都覺得好似食緊朱古力咁甜，「我輕輕的嘗一口這香濃的誘惑，我喜歡的樣子妳都有」，希望大家都可以搵到嗰份屬於你嘅甜蜜。

2.By2,汪蘇瀧：《有點甜》

小編每次聽到呢首歌都感覺好似置身於喺一個粉紅色世界咁，一份正確嘅愛情係甜蜜的，係足以令乾枯嘅沙漠都開出花的喔～

3.林宥嘉：《少女》

呢首歌林宥嘉係寫來同自己太太表白嘅，歌詞充滿濃濃嘅愛意，聽嘅時候就好似被佢帶入咗嗰種戀愛氛圍咁，巧羨慕～

4.陳芳語：《愛你》

對於單身嘅朋友仔，有無考慮過用情歌表白心跡呢！呢首歌小編可以話係由細聽到大，偷偷哋話你聽啊：想變成你的氧氣，溜進你身體裡～愛你喔

5.阿信：《我又初戀了》

相信好多人都會嚮往甜蜜的初戀，呢首歌唱出咗初戀嘅魔力，將嗰種帶住青澀味道嘅愛意表達得淋漓盡致，愛情不需要藉口呀，就算有點荒謬又如何

6.鍾一憲 & 麥貝夷 ：《勾手指尾》

愛情是需要磨合的，而呢首歌令人感覺到嘅係甜蜜而堅定嘅承諾，勾左你嘅手指尾，答應咗會更愛你，所有嘅相處磨合都令人甘之如飴

7. Justin Bieber：《Yummy》

「Ain’t on the side, you’re number one.」，可能喺好多人心目中嘅bieber都係花花公子，玩世不恭嘅形象，但呢首佢寫比太太 Hailey 嘅歌描述咗佢哋婚姻中嘅甜蜜同美好，令人感覺好似青春有個完美嘅結局。

8. John Legend：《All of Me》

John Legend 被譽為「愛的傳奇人物」，最好嘅歌曲可以同時傳達個人情感同普世想法，呢首歌令人感受到滿滿嘅愛意，令人明白原來愛一個人係會愛曬佢所有嘅優點和稜角。

愛情有分甜酸苦辣四種感覺，小編希望大家都可以享受甜蜜，有你的每天都是情人節～